કોમોડિટી બજાર: સોના-ચાંદીમાં નરમાશ સાથે કારોબાર, ક્રૂડમાં ઘટાડા સાથે કારોબાર

તો ડૉલર ઈન્ડેક્સમાં દબાણને કારણે સોનામાં શરૂઆતી કારોબારમાં તેજી જોવા મળી હતી. જે બાદ સોનામાં પ્રોફિંટ બુકિંગનો કારોબાર જોવા મળી રહ્યો છે. જ્યાં કોમેક્સ પર કિંમતો 2087 ડૉલર પાસે પહોંચતી જોવા મળી હતી. તો સ્થાનિક બજારમાં પણ પા ટકાનું દબાણ જોવા મળ્યું હતું. આ વર્ષની વાત કરીએ તો સોનામાં આશરે 15 ટકાની મજબૂતી જોવા મળી છે.

ચાંદીમાં પણ સોનાના પગલે પ્રોફિંટ બુકિંગનો કારોબાર જોવા મળી રહ્યો છે જ્યાં વૈશ્વિક બજારમાં કિંમતો 24 ડૉલર પાસે પહોંચતી જોવા મળી. તો સ્થાનિક બજારમાં પા ટકાનું દબાણ બનતુ જોવા મળ્યું.

ક્રૂડમાં ફરી એકવાર ઉપલા સ્તરેથી ઘટાડો જોવા મળ્યો, જ્યાં બ્રેન્ટના ભાવ 79 ડૉલરની નીચે આવ્યા, તો nymex ક્રૂડમાં 74 ડૉલરની નીચે કારોબાર જોવા મળ્યો, ઉલ્લેખનિય છે કે રેડ-સીમાં ચાલી રહેલા તણાવ ઓછા થતા અને અમેરિકા તરફથી સુરક્ષાનો ભરોસો મળતા ક્રૂડમાં સપ્લાય વિક્ષેપની ચિંતા ઓછી થતી દેખાઈ, જેના કારણે કિંમતો પર દબાણ બન્યું.

નેચરલ ગેસમાં વેચવાલીનો માહોલ જોવા મળી રહ્યો છે. જ્યાં સ્થાનિક બજારમાં કિંમતો સવા ટકાના દબાણ સાથે કિંમતો 204 આસપાસ પહોંચતી જોવા મળી.