કોમોડિટી લાઇવ: સોના-ચાંદીની બેસ ઇમ્પોર્ટ પ્રાઈસ વધી, બેઝ મેટલ્સ તરફથી મિશ્ર સંકેતો

શરૂઆતી કારોબારમાં ડૉલર સામે રૂપિયો 13 પૈસા મજબૂત થઈને 88.21 પ્રતિ ડૉલરની સામે 88.08 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની પાસે કારોબાર જોવા મળ્યો, અહીં US ફેડના વ્યાજ દર પર નિર્ણય પહેલા ડૉલર ઇન્ડેક્સમાં વેચવાલીની અસર જોવા મળી હતી.

સોનામાં તેજી આગળ વધતા COMEX પર ભાવ 3680 ડૉલરના સ્તરની ઉપર પહોંચ્યા, જ્યારે સ્થાનિક બજારમાં 1લાખ 10 હજારની ઉપર કિંમતો પહોંચતી જોવા મળી, તે સાથે 2025માં હાલ સુધી સોનામાં 40% સુધી કિંમતો વધતી જોવા મળી ચુકી છે.

શરૂઆતી કારોબારમાં સ્થાનિક બજારમાં એલ્યુમિનિયમ સિવાય તમામ મેટલ્સમાં વેચવાલી જોવા મળી,જ્યાં સૌથી વધારે દબાણ કોપરમાં જોવા મળ્યું હતું.

બેઝ મેટલ્સમાં કારોબારની વાત કરીએ તો વૈશ્વિક બજારમાં ડૉલર ઇન્ડેક્સમાં વેચવાલીથી સપોર્ટ મળ્યો. કોપરની કિંમતો જુલાઈ 2025ના ઉપલા સ્તરે પહોંચી. એલ્યુમિનિયમમાં ભાવ 6 મહિનાના ઉપલા સ્તરની પાસે પહોંચતા જોયા. ઝિંકમાં પણ કિંમતો વધીને 6 મહિનાના ઉપલા સ્તરની પાસે રહી.

ક્રૂડ ઓઈલમાં સ્થિર કારોબાર જોવા મળ્યો, જ્યાં બ્રેન્ટના ભાવ 67 ડૉલરની ઉપર રહ્યા, તો NYMEX ક્રૂડમાં 63 ડૉલરની ઉપર કારોબાર જોવા મળ્યો, અહીં ભૌગોલિક તણાવના કારણે સપ્લાઈ અટકવાની ચિંતાએ કિંમતોને સપોર્ટ મળી રહ્યો છે.

ક્રૂડ ઓઈલમાં કારોબારની કિંમતોમાં સ્થિરતા જોવા મળી. ભૌગોલિક તણાવના કારણે સપ્લાઈ ઘટવાની ચિંતાએ ભાવ સ્થિર છે. રશિયન ક્રૂડના ખરીદદારો પર અમેરિકા દબાણ વધારી રહ્યું છે. EUનો ભારત-ચીનમાં કંપનીઓ પર પ્રતિબંધો મૂકવાનો વિચાર છે.

શરૂઆતી કારોબારમાં સ્થાનિક બજારમાં નેચરલ ગેસની કિંમતો આશરે અડધા ટકાથી વધુ વધીને 267ના સ્તરની પાસે પહોંચતી જોવા મળી હતી.