કમોડિટી લાઈવ: ક્રૂડમાં સુધારા સાથે કારોબાર, સોના-ચાંદીમાં દબાણ સાથે કારોબાર

ડૉલર ઇન્ડેક્સમાં પોઝિટીવિટીના કારણે સોના પર દબાણ જોવા મળ્યું, અહીં કોમેક્સ પર ફ્લેટ ટૂ નેગેટીવ કારોબાર સાથે 1918 ડૉલરના સ્તરની પાસે કારોબાર જોવા મળી રહ્યો છે. તો સ્થાનિક બજારમાં પણ લાલ નીશાનમાં કામકાજ થતું જોવા મળ્યું, બજારની નજર હવે જૂન મહિનાના USના આવનાર મેન્યુફેક્ચરિંગ આંકડાઓ પર બનેલી છે.

ચાંદીમાં પણ ફ્લેટ કામકાજ થઈ રહ્યું છે, અહીં વૈશ્વિક બજારમાં ભાવ આ સપ્તાહની શરૂઆતમાં પણ 22 ડૉલરની પાસે રહ્યા, તો સ્થાનિક બજારમાં 69,103ના સ્તરની આસપાસ કારોબાર જોવા મળી રહ્યો છે.

ચાઈનાના મેન્યુફેક્ચરિંગ આંકડા મજબૂત રહેતા LME અને સ્થાનિક બન્ને બજારોમાં બેઝ મેટલ્સમાં રિકવરી સાથેનો કારોબાર જોવા મળ્યો, અહીં મજબૂત આંકડા આવતા મેટલ્સની માગ સુધરે તેવી આશાએ કિંમતોને સપોર્ટ મળી રહ્યો છે.

NYMEX અને એશિયન ટ્રેડમાં ક્રૂડ ઓઈલની કિંમતોમાં નોંધાયો સુધારો, USમાં કન્ઝ્યુમર ઇન્ફ્લેશનના આંકડા નબળા રહેતા હવે વ્યાજ દર ઓછા વધે તેવી આશાએ કિંમતોને સપોર્ટ મળતો દેખાયો, તો બ્રેન્ટમાં 75 ડૉલરની ઉપર કિંમતો યથાવત્ રહેતી જોવા મળી, આ સપ્તાહે OPECની બેઠક પણ થવાની છે, જેમાં ઉત્પાદનને લઈએનો તો કોઈ ચર્ચા નહીં થાય પણ તેમ છતા માર્કેટની નજર આ બેઠક પર બનેલી છે.