કોમોડિટી લાઈવ: ક્રૂડમાં તેજી યથાવત્, બ્રેન્ટ $71ને પાર, સોના-ચાંદીમાં ઉપલા સ્તરેથી વેચવાલી

સોનામાં ઉપલા સ્તરેથી નફાવસુલીનું દબાણ જોવા મળ્યું, જ્યાં, COMEX પર ઓલ ટાઈમ હાઈના સ્તરેથી કિંમતો તૂટી, તેમ છતા ભાવ 3000 ડૉલરના સ્તરની ઉપર સ્થિર છે, જ્યારે સ્થાનિક બજારમાં પણ ફ્લેટ કામકાજ જોવા મળ્યું હતું.

ચાંદીમાં શરૂઆતી કારોબાર પોઝિટીવ નોટ સાથે થતો દેખાયો, જ્યાં વૈશ્વિક બજારમાં ભાવ 33 ડૉલરની ઉપર રહ્યા, તો સ્થાનિક બજારમાં આશરે અડધા ટકાથી વધુની તેજી જોવા મળી, પણ ભાવ 1 લાખના સ્તરની નીચે આવતા દેખાયા હતા.

વૈશ્વિક બજારમાં કિંમતો રેકોર્ડ સ્તરની પાસે પહોંચી. US ભાવ LME પર રેકોર્ડ પ્રીમિયમ પર ટ્રેડ થઈ રહ્યા છે. અમેરિકાએ કોપર પરના આયાત ટેરિફની સમીક્ષા કરી. મેન્યુફેક્ચરિંગ એક્ટિવિટી સુધરતા ચાઈનામાં ડિમાન્ડ વધી.

ગત સપ્તાહે ક્રૂડની કિંમતોમાં 2.25%નો વધારો નોંધાયો હતો, આજે પણ બ્રેન્ટમાં 71 ડૉલરની ઉપર કારોબાર યથાવત્ છે, જોકે ઉપલા સ્તરેથી મામુલી વેચવાલી પણ જોવા મળી છે. ઇરાન પર US દ્વારા પ્રતિબંધ લાગવાથી 1 મિલિયન bpd ઉત્પાદનને અસર થઈ શકે છે, તે સાથે જ OPEC+ એ ઓઈલ કટ માટે નવો પ્લાન તૈયાર કર્યો છે.

ગત સપ્તાહે કિંમતો 2.5% વધી હતી. US દ્વારા ઇરાન પર પ્રતિબંધ લગાવવામાં આવ્યા. ઇરાન પર પ્રતિબંધ લાગતા 1 મિલિયન bpd ઓઈલ પર અસર કરી. OPEC+એ ઓઇલ કટ માટે નવો પ્લાન બનાવ્યો છે.

શરૂઆતી કારોબારમાં સ્થાનિક બજાકમાં નેચરલ ગેસની કિંમતો આશરે 1 ટકાથી વધુ ઘટતા 338ના સ્તરની પાસે પહોંચતી જોવા મળી હતી.

એગ્રી કૉમોડિટીમાં મસાલા પેક તરફથી મિશ્ર સંકેતો, હળદરમાં એક ટકા જેટલી પોઝિટીવિટી રહી, પણ ધાણા અને જીરામાં નરમાશ, તો ગુવાર પેકમાં પણ વેચવાલી જોવા મળી.