કોમોડિટી લાઇવ: ક્રૂડમાં તેજી, બ્રેન્ટ $66ને પાર, સોનામાં નરમાશ, ચાંદીની ચમક યથાવત્

શરૂઆતી કારોબારમાં ડૉલર સામે રૂપિયો 1 પૈસા નબળો થઈ 85.63 પ્રતિ ડૉલરની સામે 85.64 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની આસપાસ કારોબાર જોવા મળી રહ્યો છે.

શુક્રવારે સોનાની કિંમતોમાં ઉપલા સ્તરેથી વેચવાલી આવતા COMEX પર ભાવ 3300 ડૉલરના સ્તર સુધી પહોંચ્યા, તો સ્થાનિક બજારમાં શરૂઆતી કારોબારમાં આશરે અડધા ટકાથી વધુના દબાણ સાથે 96,450ના સ્તરની પાસે કિંમતો પહોંચતી દેખાઈ હતી.વાસ્તવમાં USના જોબ ડેટા અનુમાન કરતા વધુ મજબૂત આવતા અને રેટ કટની સંભાવનાઓ ઘટવાથી સોનાની કિંમતો પર દબાણ જોવા મળ્યું.

શરૂઆતી કારોબારમાં સ્થાનિક બજારમાં બેઝ મેટલ્સ તરફથી મિશ્ર સંકેતો મળ્યા, જ્યાં માત્ર લેડમાં નરમાશ હતી, પણ એલ્યુમિનિયમ અને કોપરમાં મજબૂતી સાથેનો કારોબાર જોવા મળ્યો હતો. ચાઈનાના મજબૂત આર્થિક આંકડાઓના કારણે અહીં મેટલ્સને સપોર્ટ મળતો દેખાયો છે.

ક્રૂડ ઓઈલમાં કિંમતો ગત સપ્તાહે 4 ટકા વધતી દેખાઈ, આજે પણ આ તેજી આગળ વધતી દેખાઈ જ્યાં બ્રેન્ટના ભાવ 66 ડૉલરની ઉપર પહોંચ્યા, તો NYMEX ક્રૂડમાં 64 ડૉલરની પાસે કારોબાર રહ્યો, અહીં US-ચાઈના વચ્ચે ટ્રેડ ટૉક શરૂ થવાના કારણે કિંમતોને સપોર્ટ મળી રહ્યો છે.

શરૂઆતી કારોબારમાં સ્થાનિક બજારમાં નેચરલ ગેસની કિંમતો આશરે 1 ટકાથી વધુ ઘટીને 321ના સ્તરની પાસે પહોંચતી જોવા મળી હતી.

એગ્રી કૉમોડિટીમાં આજે તેજીની એક્શન, મસાલા પેક અને ગુવાર પેકમાં આશરે અડધા ટકા સુધીની તેજી, એરંડામાં પણ મજબૂતી, જોકે કપાસિયા ખોળમાં અડધા ટકાથી વધુની વેચવાલી કરી.