કોમોડિટી લાઇવ: ક્રૂડમાં સ્થિરતા, બ્રેન્ટ $67ને પાર, સોના-ચાંદીમાં ઉપલા સ્તરેથી વેચવાલી

શરૂઆતી કારોબારમાં ડૉલર સામે રૂપિયો 14 પૈસા મજબૂત થઈ 87.53 પ્રતિ ડૉલરની સામે 87.39 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની આસપાસ કારોબાર જોવા મળી રહ્યો છે.

જેક્સન હોલમાં પોવેલે શું કહ્યું?

સોનામાં ઉપલા સ્તરેથી વેચવાલી આવતા comex પર ભાવ 3370 ડૉલરની નીચે આવ્યા, તો સ્થાનિક બજારમાં પણ મામુલી વેચવાલી જોવા મળી રહી છે. ઉલ્લેખનિય છે કે ફેડ તરફથી વ્યાજ દરમાં કાપના સંકેતો આવ્યા હોવાથી સોનાની કિંમતો પર અસર દેખાઈ રહી છે.

સોનામાં કારોબારની વાત કરીએ તો કિંમતો ઉપલા સ્તરેથી તૂટી. શુક્રવારે કિંમતો 1 ટકા જેટલી વધી હતી. COMEX પર ભાવ 3370 ડૉલરની નીચે આવી. રશિયા-યુક્રેન વચ્ચે તણાવ વધતા કિંમતો પર અસર રહેશે. યુક્રેનએ રશિયન પાવર અને એનર્જી ફેસિલિટી પર હુમલા કર્યા.

ચાંદીમાં નાની રેન્જમાં કારોબાર જોવા મળ્યો, જ્યાં વૈશ્વિક બજારમાં ભાવ 38 ડૉલરની પાસે રહ્યા, તો સ્થાનિક બજારમાં 1 લાખ 15 હજાર 950ને પાર કારોબાર જોવા મળ્યો હતો.

શરૂઆતી કારોબારમાં સ્થાનિક બજારમાં કોપર અને લેડમાં મામુલી મજબૂતી જોવા મળી, પણ બાકી મેટલ્સમાં નાની રેન્જમાં કારોબાર રહ્યો, અહીં વૈશ્વિક બજારમાં આજે ડૉલર ઇન્ડેક્સમાં દબાણની પોઝિટીવ અસર જોવા મળી રહી હતી.

ક્રૂડમાં તેજી યથાવત્ રહેતા બ્રેન્ટના ભાવ 67 ડૉલરની ઉપર સ્થિર રહેતા દેખાયા, તો NYMEX ક્રૂડમાં 63 ડૉલરની ઉપર કારોબાર જોવા મળી રહ્યો છે..અહીં સ્થાનિક બજારમાં પણ મજબૂતી સાથેનો કારોબાર રહ્યો. ભારત પર 50% ટેરિફ માટેની USની ડેડલાઈન નજીક આવતા કિંમતોમાં સ્થિરતા જોવા મળી, આ સાથે જ ભારત પર ટેરિફથી ડિમાન્ડ પર અસર થાય તેવા અનુમાન બની રહ્યા છે.

ક્રૂડ ઓઈલમાં કારોબારની વાત કરીએ તો ભારત પર USના 50% ટેરિફની ડેડલાઈન નજીક આવતા ચિંતા છે. બ્રેન્ટના ભાવ 67 ડૉલરની પાસે સ્થિર છે. ભારત પર ટેરિફથી ડિમાન્ડ પર અસર થવાની શક્યતા. રશિયા-યુક્રેન શાંતિ મંત્રણા અટકી જવાથી પુરવઠામાં વિક્ષેપનો ભય વધ્યો.

સ્થાનિક બજારમાં નેચરલ ગેસની કિંમતો આશરે 2 ટકાથી વધુ ઘટતા ભાવ 230ના સ્તરની પાસે પહોંચતા દેખાયા.