કોમોડિટી લાઇવ: વૈશ્વિક બજારમાં સોનું-ચાંદી રેકોર્ડ સ્તરે, ક્રૂડ ઓઈલમાં ઉપલા સ્તરેથી વેચવાલી

સોનાની તેજી આગળ વધતા સ્થાનિક બજારમાં ડિસેમ્બર વાયદો 1 લાખ 17 હજારને ઉપર પહોંચતો દેખાયો, જ્યારે comex પર 3859 ડૉલરની ઉપર કિંમતો જતી દેખાઈ...વાસ્તવમાં US સરકારના શટડાઉન અંગે વધતી ચિંતાઓ અને ડૉલર ઇન્ડેક્સમાં દબાણના કારણે સોનાની કિંમતોને સપોર્ટ મળી રહ્યો છે.

ચાંદીમાં પણ રેકોર્ડ સ્તરે કારોબાર જોવા મળ્યો, જ્યાં સ્થાનિક બજારમાં ભાવ 1 લાખ 43 હજારને પાર પહોંચ્યા, વૈશ્વિક બજારમાં 14 વર્ષના ઉપલા સ્તર 47 ડૉલરની પાસે કિંમતો પહોંચતી જોવા મળી હતી. અહીં ઓછી સપ્લાઈ સામે વધુ ઇન્ડસ્ટ્રીયલ ડિમાન્ડના કારણે કિંમતોને સપોર્ટ મળી રહ્યો છે.

ઇરાકથી સપ્લાઈ ફરી શરૂ થવાના સમાચારથી કાચા તેલમાં દબાણ આવ્યું, જ્યાં એક દિવસમાં આશરે 4% ઘટી બ્રેન્ટમાં 67 ડૉલરની પાસે કારોબાર જોવા મળ્યો, તો NYMEX ક્રૂડમાં અડધા ટકાથી વધુની વેચવાલી દેખાઈ હતી.

શરૂઆતી કારોબારમાં સ્થાનિક બજારમાં નેચરલ ગેસની કિંમતો આશરે અડધા ટકાથી વધુ વધીને 291ના સ્તરની પાસે પહોંચતી દેખાઈ હતી.