કોમોડિટી લાઇવ: સોના-ચાંદીમાં તેજી યથાવત્, બ્રેન્ટના ભાવમાં રાતોરાત 5%નો ઉછાળો

રૂપિયો આજે 8 પૈસા મજબૂત થઇને 85.51/$ની સામે 85.43/$ પર ખૂલ્યો છે. ઉલ્લેખનિય છે કે US-ચીન વચ્ચે ટેરિફ કરાર બાદ કરન્સીમાં સેન્ટિમેન્ટ સુધરતા જોવા મળ્યા છે. મોટાભાગની એશિયન કરન્સીમાં ડૉલર સામે તેજી જોવા મળી છે. સાથે જ ડૉલર ઇન્ડેક્સમાં 99ના સ્તરની નીચે કારોબાર યથાવત્ છે.

તો સોનામાં આજે તેજી સાથેનો કારોબાર જોવા મળ્યો. સ્થાનિક બજારમાં 98000ના સ્તરની નજીક કારોબાર મળ્યો તો કોમેક્સ પર 3400 ડૉલરની નજીક એક્શન જોવા મળી રહ્યું છે. નબળા ડૉલરના કારણે કિંમતોને સપોર્ટ મળતો જોવા મળી રહ્યો છે. તો અનુમાન કરતા ઓછા US CPIના કારણે પણ સેન્ટિમેન્ટ સુધર્યા છે.

ડૉલરમાં નરમાશના કારણે બેઝ મેટલ્સના પણ સેન્ટિમેન્ટ સુધર્યા છે. સ્થાનિક બજારમાં તમામ મેટલ્સમાં પોઝિટીવ કારોબાર રહ્યો. તો LME પર પણ કોપરની કિંમતોમાં ઉછાળો જોવા મળ્યો. ઉલ્લેખનિય છે કે US-ચીન વચ્ચે ટેરિફ કરારના કારણે કિંમતોને સપોર્ટ મળતો જોવા મળ્યો છે.

ક્રૂડમાં પણ આજે તેજી સાથેનો કારોબાર જોવા મળ્યો. બ્રેન્ટની કિંમતોમાં રાતોરાત 5%નો ઉછાળો આવતા કિંમતો 2 મહિનાના ઉચ્ચતમ સ્તરે પહોંચી. બ્રેન્ટનો ભાવ 70 ડૉલરની નજીક જોવા મળી રહ્યો છે. અમેરિકા-ઈરાન વચ્ચે વધી રહેલા તણાવના કારણે કિંમતોને સપોર્ટ મળ્યો તો સાથે આ સિવાય US-ચીન વચ્ચે ટેરિફ કરાર અને અનુમાન કરતા ઓછા US CPI આંકડાના કારણે ક્રૂડમાં એક્શન જોવા મળ્યું છે.

સ્થાનિક બજારમાં નેચરલ ગેસમાં એક ટકાની તેજી આવતા ભાવ 302ના સ્તરને પાર જોવા મળ્યો.

એગ્રી કૉમોડિટીમાં પોઝિટીવ કારોબાર છે. મસાલા પેકમાં ધાણા સિવાય જીરા અને હળદરમાં પોઝિટીવ કામકાજ જોવા મળી રહ્યું છે. તો ગુવાર પેકમાં મામુલી એક્શન છે. તો એરંડા અને કપાસિયા ખોળમાં તેજી સાથેનો કારોબાર જોવાને મળી રહ્યો છે.

રાજ્યમાં 2 દિવસ બાદ ફરી વરસાદનું જોર વધશે. દક્ષિણ અને ઉત્તર ગુજરાતના ભાગોમાં વરસાદની આગાહી છે.