કોમોડિટી લાઇવ: સોના-ચાંદીમાં આજે પણ તેજી, ક્રૂડમાં આજે આવ્યું દબાણ

આજે રૂપિયાની શરૂઆત 88.69ની આસપાસ જ થતી જોવા મળી હતી. જોકે USમાં બોન્ડ માર્કેટ બંધ હોવાથી આજે કરન્સી માર્કેટમાં વોલ્યુમ પણ થોડા ઓછા છે.

સોનામાં આજે સતત બીજા દિવસે ઉછાળો હતો.. ગઈકાલે 2 ટકા જેટલા ભાવ વધ્યા બાદ કોમેક્સ અને MCX પર તેજી જોવા મળી હતી. સોનું 3 સપ્તાહના ઉપલા સ્તરે કામકાજ કરી રહ્યું છે. ડિસેમ્બરમાં ફેડ દ્વારા વ્યાજદર કાપ થાય એવી આશાએ આજે સોનામાં તેજી છે.

સાથે ચાંદીમાં પણ ખરીદદારી છે. ચાંદી કોમેક્સ પર 50.70 ડોલરની ઉપર કામકાજ જોવા મળ્યું હતું.

ક્રૂડમાં આજે ઘટાડો આવ્યો છે. ઉલ્લેખનીય છે કેOPEC અને IEA દ્વારા ક્રૂડના આઉટલૂકને લઈને આ સપ્તાહે રિપોર્ટ બહાર પડવાનો છે અને તે પહેલા દબાણ છે. બીજી તરફ અમેરિકામાં નવી ક્રૂડ રિગના ઉમેરાથી ઉત્પાદન વધે તેવી સંભાવના છે. આ કારણથી પણ ક્રૂડમાં આજે દબાણ છે. સાથે જ OPEC દ્વારા નિર્ધારિત ઉત્પાદન વધારાની પણ અસર જોવા મળી હતી.

ક્રૂડમાં કારોબારની વાત કરીએ તો OPEC, IAEના માર્કેટ રિપોર્ટ પહેલા ક્રૂડમાં ઘટાડો. OPEC અને IAE આ સપ્તાહે જાહેર કરશે રિપોર્ટ. OPEC અને સાથી દેશોનો ઉત્પાદન વધારાથી બજારને અસર થશે. USમાં નવા રિગ્સના ઉમેરાથી ઉત્પાદન રેકોર્ડ સ્તરે પહોંચશે. હંગેરીને રશિયા પાસેથી ઓઈલ અને ગેસ ખરીદવા USએ પ્રતિબંધોમાંથી મુક્તી આપી.

બેઝ મેટલ્સમાં દબાણ છે. ગઈકાલે એક સપ્તાહના ઉપલા સ્તરે પહોંચ્યા બદા કોપરમાં દબાણ આવ્યું છે. ડોલર ઈન્ડેક્સ નબળો પડવાને કારણે પણ કોપરમાં તેમ જ અન્ય બેઝ મેટલમાં દબાણ છે.

એગ્રી કૉમોડિટી પર નજર કરીએ તો, ગુવાર પેકમાં આજે પણ વેચવાલી છે. ગુવાર ગમનો વાયદો આજે સતત ત્રીજા દિવસે ઘટ્યો છે અને બે વર્ષના નીચલા સ્તરે પહોંચી ગયું છે. તો ગુવાર સીડમાં પણ આજે વેચવાલી છે. અહીં પણ ભાવ ડિસેમ્બર 2022 બાદ નીચલા સ્તરે પહોંચ્યા છે. સામે આજે મસાલા પેકમાં તેજી છે.