કોમોડિટી લાઇવ: સોના-ચાંદીમાં ઉપલા સ્તરેથી દબાણ, ક્રૂડ ઓઈલમાં વેચવાલી વધી

શરૂઆતી કારોબારમાં ડૉલર સામે રૂપિયો 33 પૈસા મજબૂત થઈને 89.48 પ્રતિ ડૉલરની સામે 89.15 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની પાસે કારોબાર જોવા મળી રહ્યો છે. ઉલ્લેખનિય છે કે આ વર્ષે હાલ સુધી ડૉલર સામે રૂપિયો આશરે 4.5% જેટલો ઘટી ચૂક્યો છે.

રૂપિયા માટે ફોરેક્સ એડવાઈઝર K N DEYનું કહેવું છે કે, શુક્રવારે RBI દ્વારા 89.53ના સ્તરે ડૉલરમાં વેચવાલી કરી હોવાથી રૂપિયાને સપોર્ટ મળ્યો હોય તેવું લાગી રહ્યું છે, અને USના વ્યાજ દરના નિર્ણય બાદ આવનાર દિવસોમાં રૂપિયાની નરમાશ ડૉલર સામે ઓછી થતી જોવા મળી શકે છે.

સોનાના પગલે ચાંદીમાં પણ વેચવાલી આવતા અહીં વૈશ્વિક બજારમાં ભાવ 50 ડૉલરની નીચે આવ્યા, જ્યારે સ્થાનિક બજારમાં 1 લાખ 53 હજારની પાસે કારોબાર જોવા મળી રહ્યો છે. ચાંદીમાં કારોબારની વાત કરીએ તો વૈશ્વિક બજારમાં કિંમતો 50 ડૉલરની નીચે આવ્યા. સ્થાનિક બજારમાં પણ કિંમતોમાં ઉપલા સ્તરેથી ઘટાડો થયો છે.

ડૉલર ઇન્ડેક્સમાં મજબૂતીના પગલે બેઝ મેટલ્સની કિંમતો પર પણ અસર રહી, જ્યાં સ્થાનિક બજારમાં શરૂઆતી કારોબારમાં ઝિંક સિવાય તમામ મેટલ્સમાં વેચવાલી રહી, તો વૈશ્વિક બજારમાં કોપર ફ્યૂચર્સમાં કિંમતો 2 સપ્તાહના નીચલા સ્તરે પહોંચી, અહીં ચાઈના તરફથી સોફ્ટ ડિમાન્ડના કારણે કિંમતો પર અસર જોવા મળી હતી.

કોપરમાં કારોબારની વાત કરીએ તો ફ્યૂચર્સમાં ભાવ ઘટીને 2 સપ્તાહના નીચલા સ્તરે આવ્યા. ચાઈના તરફથી નબળી માગના કારણે કિંમતો પર અસર રહી. ડિસેમ્બરમાં US ફેડ દ્વારા વ્યાજ દરમાં કાપના સંકેતો ઓછા છે.

ક્રૂડ ઓઈલમાં પણ દબાણ આવતા અહીં બ્રેન્ટના ભાવ 63 ડૉલરની નીચે આવ્યા, જે આશરે 1 મહિનાના નીચલા સ્તર છે, NYMEX ક્રૂડમાં પણ દબાણ રહ્યું, જોકે સ્થાનિક બજારમાં મામુલી ખરીદદારી સાથેનો કારોબાર જોવા મળ્યો હતો. ઉલ્લેખનીય છે કે, રશિયા-યુક્રેન વચ્ચે શાંતિ કરાર થવાની સંભાવનાએ કિંમતો પર અસર જોવા મળી રહી છે.

ક્રૂડ ઓઈલમાં કારોબારની વાત કરીએ તો કિંમતો ઘટીને 1 મહિનાના નીચલા સ્તરની પાસે છે. આ મહિને કિંમતો આશરે 3 ટકા ઘટી. સતત ચોથા મહિને ઘટાડા તરફ ક્રૂડ આગળ વધ્યું. રશિયા-યુક્રેન વચ્ચે શાંતિ કરારની આશાએ કિંમતો ઘટી.

શરૂઆતી કારોબારમાં સ્થાનિક બજારમાં નેચરલ ગેસની કિંમતો આશરે 4 ટકા તૂટીને 398ના સ્તરની પાસે પહોંચતી દેખાઈ હતી.