કોમોડિટી લાઇવ: COMEX પર સોનું $3032ના સ્તરની પાસે, ક્રૂડમાં 2 દિવસની તેજી પર લાગી બ્રેક

US ફેડ આજે વ્યાજ દરો અંગે નિર્ણય લેશે. બજારને વ્યાજ દરમાં ઘટાડાની આશા ઓછી છે. બજારને સપ્ટેમ્બરમાં વ્યાજ દરમાં ઘટાડાની અપેક્ષા છે. ફેડે આ વર્ષે બે વખત વ્યાજ દરમાં ઘટાડો કરવાનો સંકેત આપ્યો.

સોનાની તેજી આજે પણ યથાવત્ છે, ગઈકાલે comex પર 3,038 ડૉલર સુધીના સ્તર જોયા હતા, આજે શરૂઆતી કારોબારમાં વૈશ્વિક બજારમાં ઉપલા સ્તરેથી મામુલી નરમાશ રહી, પણ 3030 ડૉલરની ઉપર કારોબાર યથાવત્ છે, જ્યારે સ્થાનિક બજારમાં પણ કિંમતો 88,900ના સ્તરની ઉપર સ્થિર છે..અહીં વેસ્ટ એશિયામાં ફરી તણાવ વધતા કિંમતોને સપોર્ટ મળી રહ્યો છે. સાથે જ ગોલ્ડ ETFમાં મજબૂત ઇનફ્લોના કારણે પણ કિંમતો વધતી દેખાઈ રહી છે.

ચાંદીમાં પણ વૈશ્વિક બજારમાં ભાવ 34 ડૉલરના સ્તરની પાસે સ્થિર રહ્યા, જ્યારે સ્થાનિક બજારમાં સતત ત્રીજા દિવસે કિંમતો 1 લાખને પાર યથાવત્ રહેતી દેખાઈ રહી છે.

શરૂઆતી કારોબારમાં સ્થાનિક બજારમાં મેટલ્સમાં મિશ્ર કારોબાર રહ્યો, જ્યાં ઝિંકમાં મામુલી નરમાશ જોવા મળી, પણ વૈશ્વિક બજારમાં કોપરના ભાવ વધીને આશરે 10 મહિનાના ઉપલા સ્તરની પાસે પહોંચતા દેખાયા, અહીં ચાઈના તરફથી રાહત પેકેજ મળતા ડિમાન્ડ વધવાની આશાએ કિંમતોમાં તેજી જોવા મળી રહી છે.

વૈશ્વિક બજારમાં ભાવ 10 મહિનાના ઉપલા સ્તરે પહોંચ્યા. ચાઈના તરફથી રાહત પેકેજ મળતા ડિમાન્ડ સુધરવાની આશા છે. US કોપર ઇમ્પોર્ટ પર ટેરિફ લગાવે તેવા ડરથી સપોર્ટ છે.

સતત 2 દિવસની સારી તેજી બાદ આજે ક્રૂડમાં દબાણ જોવા મળ્યું, જ્યાં બ્રેન્ટના ભાવ ઘટીને 71 ડૉલરની નીચે આવ્યા, તો NYMEX ક્રૂડમાં આશરે પા ટકાથી વધુના દબાણ સાથે 67 ડૉલરની નીચે કામકાજ જોવા મળ્યું. અહીં USમાં ઇન્વેન્ટરી વધતા અને રશિયા-યૂક્રેન યુદ્ધ પૂર્ણ થવાની આશંકાએ કિંમતોમાં નરમાશ દેખાઈ હતી.

2 દિવસની તેજી બાદ કિંમતો ઉપલા સ્તરેથી ઘટી. રશિયા એનર્જી ઇન્ફ્રા પર 1 મહિનાના યુદ્ધવિરામ માટે સંમત થયું. US ક્રૂડની ઇન્વેન્ટરી 4.59 મિલિયન બેરલથી વધી. ટ્રમ્પે યમનના હૂતીઓ પર હુમલો યથાવત્ રાખવાની વાત કરી. ગાઝા પર ઇઝરાયલના હવાઈ હુમલા યથાવત્ છે.

સ્થાનિક બજારમાં નેચરલ ગેસમાં અડધા ટકાથી વધુની વેચવાલી સાથે 354ના સ્તરની પાસે કારોબાર જોવા મળ્યો હતો.

એગ્રી કૉમોડિટી પર નજર કરીએ તો, વૈશ્વિક બજારમાં ભાવ 1 મહિનાના ઉપલા સ્તરે પહોંચ્યા. ડૉલર ઇન્ડેક્સમાં નરમાશ અને ઓછા ગ્લોબલ શુગર ઉત્પાદનથી સપોર્ટ છે. ફેબ્રુઆરીમાં બ્રાઝિલનું ઉત્પાદન વાર્ષિક ધોરણે 5.5% ઘટ્યું. ISMAએ ભારતના ઉત્પાદનનો અંદાજ ઘટાડીને 2.4 મિલિયન ટન કર્યો. ISO એ 2024-25 માટે વૈશ્વિક ઉત્પાદન અંદાજ ઘટાડ્યો. વૈશ્વિક ઉત્પાદન અંદાજ 179.1 મિલિયન ટનથી ઘટાડી 175.5 મિલિયન ટન કર્યો.