Apollo Hospitals Q4: નફો 50.5% વધી 146 કરોડ થયો, ઇન્કમમાં 21.3%નો વધારો

Apollo Hospitals Q4: Apollo Hospital Enterprise એ 31 માર્ચ, 2023 ના રોજ પૂરા થયેલા ચોથા ક્વાર્ટરના પરિણામો જાહેર કર્યા છે. કંપનીએ આ સમયગાળા દરમિયાન રૂપિયા 146 કરોડનો નફો કર્યો છે. કંપનીના નફામાં વાર્ષિક ધોરણે 50.5 ટકાનો વધારો જોવા મળ્યો છે. જણાવી દઈએ કે 31 માર્ચ, 2022 ના રોજ પૂરા થયેલા પાછલા નાણાકીય વર્ષના ચોથા ક્વાર્ટરમાં કંપનીને 97 કરોડ રૂપિયાનો નફો થયો હતો. 31 માર્ચ, 2023ના રોજ પૂરા થયેલા ચોથા ક્વાર્ટરમાં કંપનીનો નફો અપેક્ષા કરતાં નબળો રહ્યો છે. વિશ્લેષકોએ અનુમાન લગાવ્યું હતું કે આ સમયગાળા દરમિયાન કંપની રૂપિયા 198 કરોડનો નફો કરી શકે છે.

વાર્ષિક ધોરણે આવકમાં 21.3 ટકાનો વધારો

ચોથા ક્વાર્ટરમાં કંપનીની ગ્રોથને ફેવરેબલ બેઝ, મોસમી મજબૂતાઈ અને વધુ સારી ઓક્યુપન્સી દ્વારા ટેકો મળ્યો હતો. 31 માર્ચ, 2023 ના રોજ પૂરા થયેલા ચોથા ક્વાર્ટરમાં કંપનીની આવક વાર્ષિક ધોરણે 21.3 ટકા વધીને રૂપિયા 4302.2 કરોડ થઈ છે. જોકે, કંપનીની આવક 4302.7 કરોડ રૂપિયા હોવાનો અંદાજ હતો. આમ, કંપનીની કમાણી અંદાજ મુજબ જ રહી છે. તમને જણાવી દઈએ કે ગયા વર્ષના સમાન ક્વાર્ટરમાં કંપનીની આવક 3546.4 કરોડ રૂપિયા હતી.

માર્જિન દબાણ