Groww IPO: 17% પ્રીમિયમ પર લિસ્ટિંગની આશા, 4થી 7 નવેમ્બર સુધી રોકાણનો મોકો; પ્રાઈસ બેન્ડ 95-100 રૂપિયા

Groww IPO: દેશના અગ્રણી સ્ટોક બ્રોકિંગ પ્લેટફોર્મ Growwની પેરન્ટ કંપની Billionbrains Garage Ventures Ltdનો IPO 4 નવેમ્બરથી 7 નવેમ્બર સુધી ખુલ્લો રહેશે. આ IPO દ્વારા કંપની 6632.30 કરોડ રૂપિયા એકત્ર કરવા માંગે છે. રોકાણકારો માટે પ્રાઈસ બેન્ડ 95 થી 100 રૂપિયા પ્રતિ શેર નક્કી કરવામાં આવ્યો છે, જ્યારે લોટ સાઈઝ 150 શેરનો છે.

ગ્રે માર્કેટમાં Growwના શેર અપર પ્રાઈસ બેન્ડથી 16.70 રૂપિયા એટલે કે 16.70% પ્રીમિયમ પર ટ્રેડ થઈ રહ્યા છે. આના આધારે લિસ્ટિંગ 17% પ્રીમિયમ પર થવાની ધારણા છે. એન્કર રોકાણકારો 3 નવેમ્બરે બોલી લગાવી શકશે. IPOનું એલોટમેન્ટ 10 નવેમ્બરે ફાઈનલ થશે અને BSE તથા NSE પર 12 નવેમ્બરે લિસ્ટિંગ થવાની શક્યતા છે.

IPOમાં 1060 કરોડ રૂપિયાના 10.60 કરોડ નવા શેર જારી થશે, જ્યારે 5572.30 કરોડ રૂપિયાના 55.72 કરોડ શેર ઓફર ફોર સેલ હેઠળ આવશે. હાલ કંપનીનું માર્કેટ કેપ 61700 કરોડ રૂપિયાથી વધુ છે.

Groww પ્લેટફોર્મ પર મ્યુચ્યુઅલ ફંડ, શેર, F&O, ETFs, IPO, ડિજિટલ ગોલ્ડ અને અમેરિકન સ્ટોક્સમાં રોકાણની સુવિધા છે. 2016માં સ્થપાયેલી આ કંપની પાસે 1.4 કરોડથી વધુ એક્ટિવ રિટેલ રોકાણકારો છે. કંપનીના પ્રમોટર લલિત કેશરે, હર્ષ જૈન, ઈશાન બંસલ અને નીરજ સિંહ છે. ઓફર ફોર સેલમાં દરેક પ્રમોટર 10 લાખ શેર વેચશે. આ ઉપરાંત Peak XV Partners, Ribbit Capital, YC Holdings સહિતના રોકાણકારો પણ શેર વેચશે.

વિત્તીય રીતે કંપની મજબૂત છે. FY2025માં રેવેન્યુ 45% વધ્યો, જ્યારે નેટ પ્રોફિટ 327% વધ્યો. એપ્રિલ-જૂન 2025 ત્રિમાસિકમાં રેવેન્યુ 948.47 કરોડ, નેટ પ્રોફિટ 378.37 કરોડ અને EBITDA 418.75 કરોડ રહ્યા. કંપની પર 324.08 કરોડની લોન છે.

આ પણ વાંચો- ગુજરાતમાં GST આવકે સકર્યો નવો રેકોર્ડ: ઓક્ટોબરમાં 16% વધારા સાથે 7,127 કરોડની કમાણી

ડિસ્ક્લેમર: (આ ઑફર જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.)