Wagh Bakri Director Parag Desai Dies: ‘વાઘ બકરી' ચાના એક્ઝિક્યૂટિવ ડિરેક્ટર પરાગ દેસાઈનું બ્રેઈન હેમરેજથી નિધન

Wagh Bakri Director Parag Desai Dies: વાઘ બકરી ટી ગ્રુપના એક્ઝિક્યુટિવ ડાયરેક્ટર પરાગ દેસાઈનું 49 વર્ષની વયે નિધન થયું છે. મીડિયા રિપોર્ટ્સ અનુસાર, 15 ઓક્ટોબરના રોજ પરાગ દેસાઈ રસ્તાના કૂતરાઓનો પીછો કરવાથી બચવાનો પ્રયાસ કરતી વખતે તેમના ઘરની બહાર પડી ગયા હતા, ત્યારબાદ તેમને બ્રેઈન હેમરેજ થયું હતું. સિક્યોરિટી ગાર્ડને આ ઘટનાની જાણ થઈ અને ત્યારબાદ દેસાઈને હોસ્પિટલ લઈ જવામાં આવ્યા. તેઓ ઘણા દિવસો સુધી વેન્ટિલેટર પર રહ્યા. પરાગ દેસાઈ બકરી ટી બ્રાન્ડના માલિક છે.

આ અંગે પ્રાપ્ત વિગતો મુજબ, ગત 15 ઓક્ટોબરના રોજ પરાગ દેસાઈ પોતાના ઘર નજીક ઈસ્કોન-આંબલી રોડ પર મોર્નિંગ વૉક માટે નીકળ્યા હતા. આ દરમિયાન તેમની પાછળ રખડતા કૂતરા પડ્યા હતા. જેથી ડૉગ એટેકથી બચવાના ચક્કરમાં તેઓ લપસી પડ્યા હતા અને તેમને ગંભીર ઈજા પહોંચી હતી.

જે બાદ પરાગ દેસાઈને સારવાર અર્થે સૌ પ્રથમ શહેરની શેલ્બી હોસ્પિટલમાં ખસેડવામાં આવ્યા હતા. જ્યાંથી સર્જરી માટે તેમને શહેરની ઝાયડસ હોસ્પિટલમાં શિફ્ટ કરવામાં આવ્યા હતા. જ્યાં તેમણે આજે અંતિમ શ્વાસ લીધા હતા. પરાગ દેસાઈના અવસાનથી ઉદ્યોગ જગતમાં શોક વ્યાપી ગયો છે.

જણાવી દઈએ કે, પરાગ દેસાઈ વાઘ બકરી ગ્રુપના મેનેજિંગ ડિરેક્ટર રસેસ દેસાઈના પુત્ર છે. ન્યૂયોર્કથી MBAનો અભ્યાસ કરનાર પરાગ દેસાઈ 1995માં વાઘ બકરી ગ્રુપ સાથે સંકળાયા હતા. તેઓ કંપનીમાં સેલ્સ, માર્કેટિંગ અને એક્સપોર્ટ્સનું કામકાજ જોતા હતા.