Maharashtra Assembly Election 2024: NCPએ 38 ઉમેદવારોની યાદી કરી જાહેર, અજીત પવાર બારામતીથી લડશે ચૂંટણી

Maharashtra Assembly Election 2024:મહારાષ્ટ્ર વિધાનસભા ચૂંટણીને લઈને વધી રહેલી રાજકીય ગતિવિધિ વચ્ચે, ડેપ્યુટી સીએમ અજિત પવારની આગેવાની હેઠળની રાષ્ટ્રવાદી કોંગ્રેસ પાર્ટીએ 38 ઉમેદવારોની પ્રથમ યાદી જાહેર કરી છે. આ યાદી અનુસાર અજિત પવાર પોતે બારામતી બેઠક પરથી વિધાનસભા ચૂંટણી લડશે જ્યારે છગન ભુજબળ યેવલા બેઠક પરથી ચૂંટણી લડશે. પાર્ટીના નેતા દિલીપ વાલસે પાટીલ અંબેગાંવ બેઠક પરથી ચૂંટણી લડશે. અજિત પવારની એનસીપીએ કાગલ બેઠક પરથી હસન મુશરફને ટિકિટ આપી છે જ્યારે ધનંજય મુંડે પરલી બેઠક પરથી ચૂંટણી લડશે.

#MaharashtraElection2024 | NCP releases its first list of 38 candidates. Deputy CM and party chief Ajit Pawar to contest from Baramati, Chhagan Bhujbal from Yeola, Dilip Walse Patil from Ambegaon. pic.twitter.com/yjkRL3KLZG

— ANI (@ANI) October 23, 2024

ડિંડોરીથી નરહરિ ઝિરવાલ, અહેરીથી ધરમવર બાબા આત્રામ, શ્રીવર્ધનથી અદિતિ તટકરે, અમ્મલનેરથી અનિલ ભાઈદાસ પાટીલ, ઉદગીરથી સંજય બનસોડે ચૂંટણી લડશે. અર્જુની મોરગાંવના પ્રિન્સ બડોલે જ્યારે માજલગાંવ બેઠક પરથી પ્રકાશ દાદા સોલંકે ચૂંટણી લડશે. પાર્ટીએ વાય સીટ પરથી મકરંદ પાટીલને પોતાનો ઉમેદવાર બનાવ્યો છે. અહેમદનગર સીટી માટે સંગ્રામ જગતાપને ટિકિટ મળી છે.

95 ટકા વર્તમાન ધારાસભ્યોને રિપીટ કરાયા

પાર્ટીએ ફરીથી લગભગ 95 ટકા વર્તમાન ધારાસભ્યોને ટિકિટ આપી છે. નવાબ મલિક અને સના મલિકના નામ આ યાદીમાં પાર્ટીના અગ્રણી નેતાઓમાં નથી. તમને જણાવી દઈએ કે, 288 સભ્યોની મહારાષ્ટ્ર વિધાનસભાની ચૂંટણી 20 નવેમ્બરે  થશે અને 23 નવેમ્બરે મતગણતરી થશે. વર્તમાન વિધાનસભાનો કાર્યકાળ 26 નવેમ્બરે સમાપ્ત થશે.

આ પણ વાંચો-‘અમારા સંબંધો એવા છે કે અમને ટ્રાન્સલેટરની નથી જરૂર...' જ્યારે પુતિનના શબ્દો પર પીએમ મોદી હસી પડ્યા