PM મોદીએ રાજસ્થાનને આપી મોટી ભેટ, બિકાનેરમાં 24,300 કરોડ રૂપિયાથી વધુના વિકાસ પ્રોજેક્ટનું કર્યું ઉદ્ઘાટન

દેશના વડાપ્રધાન નરેન્દ્ર મોદીએ રાજસ્થાનને હજારો કરોડ રૂપિયાની યોજનાઓ ભેટમાં આપી છે. વડાપ્રધાન નરેન્દ્ર મોદીએ શનિવારે રાજસ્થાનના બિકાનેર જિલ્લામાં રૂપિયા 24,300 કરોડથી વધુના વિકાસ પ્રોજેક્ટનું ઉદ્ઘાટન અને શિલાન્યાસ કર્યો હતો. મોદીએ અમૃતસર-જામનગર ઇકોનોમિક કોરિડોરનો છ લેનનો ગ્રીનફિલ્ડ એક્સપ્રેસવે સેક્શન, ગ્રીન એનર્જી કોરિડોર માટે ઇન્ટર-સ્ટેટ ટ્રાન્સમિશન લાઇનનો પ્રથમ તબક્કો, બિકાનેરથી ભીવાડી ટ્રાન્સમિશન લાઇન અને 30-બેડ કર્મચારી વીમા નિગમ ( ESIC) હોસ્પિટલ રાજ્યના લોકોને સમર્પિત છે

પીએમ મોદીએ રાજસ્થાનને આપી મોટી ભેટ

વડાપ્રધાન નરેન્દ્ર મોદીએ બિકાનેર રેલ્વે સ્ટેશનના પુનઃવિકાસ અને 43 કિમીના ચુરુ-રતનગઢ સેક્શનને બમણું કરવા માટેનો શિલાન્યાસ પણ કર્યો હતો. PM એ બિકાનેરના નોરંગડેસર ખાતે એક કાર્યક્રમમાં રિમોટ બટન દબાવીને પ્રોજેક્ટ્સનું ઉદ્ઘાટન કર્યું. આ પ્રસંગે કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરી અને કેન્દ્રીય કાયદા અને સંસદીય બાબતોના રાજ્ય મંત્રી અર્જુન રામ મેઘવાલ, જેઓ બિકાનેરથી સંસદસભ્ય પણ છે, પણ આ પ્રસંગે હાજર હતા.

પીએમ મોદીએ રેલીને સંબોધી હતી