Union Budget 2026-27: MSMEsએ નાણાં મંત્રીને કરી સ્પષ્ટ માંગ, ઉત્પાદન વધારવા માટે 'ટેક્નોલોજી ફંડ' વધારો

Union Budget 2026-27: કેન્દ્રીય નાણાં મંત્રી નિર્મલા સીતારમણ ફેબ્રુઆરીમાં તેમનું કેન્દ્રીય બજેટ રજૂ કરવા જઈ રહ્યા છે. આ બજેટ એવા સમયે તૈયાર થઈ રહ્યું છે, જ્યારે વૈશ્વિક સ્તરે અસ્થિરતા અને અમેરિકા દ્વારા ભારતીય ઉત્પાદનો પર ભારે ટેરિફની મોટી ચિંતાઓ છે.

આર્થિક પડકારોની વચ્ચે, દેશના સૂક્ષ્મ, લઘુ અને મધ્યમ ઉદ્યોગો (MSMEs) એ આગામી કેન્દ્રીય બજેટ 2026-27 માટે સરકાર સમક્ષ પોતાની માંગ સ્પષ્ટ કરી દીધી છે. MSME ક્ષેત્રના પ્રતિનિધિઓએ નાણાં મંત્રી નિર્મલા સીતારમણ સાથેની પ્રી-બજેટ બેઠકમાં ભારપૂર્વક જણાવ્યું કે, ઉત્પાદન ક્ષમતા વધારવા અને વૈશ્વિક સ્તરે સ્પર્ધાત્મકતા સુધારવા માટે ટેક્નોલોજી અપગ્રેડેશન ફંડ માં મોટો વધારો થવો જરૂરી છે.

ઉત્પાદન અને સ્પર્ધાત્મકતાની ચાવી: ટેક્નોલોજી ફંડ

MSME પ્રતિનિધિઓનું કહેવું છે કે, ટેક્નોલોજીના આધુનિકીકરણ વગર ઉત્પાદન વધારવું મુશ્કેલ છે. પીટીઆઈના રિપોર્ટ મુજબ, વિવિધ ઉદ્યોગ સંગઠનોએ આ બેઠક દરમિયાન સરકાર પાસે અન્ય બે મુખ્ય બાબતોની પણ માંગ કરી:

નિકાસ બજારો સુધી સરળ પહોંચ: વૈશ્વિક પડકારો વચ્ચે નિકાસને પ્રોત્સાહન આપવું જરૂરી છે.

આ બેઠકનું આયોજન નાણાં મંત્રાલય દ્વારા આગામી બજેટ 2026-27 માટે જરૂરી સૂચનો અને ઇનપુટ્સ લેવા માટે કરવામાં આવ્યું હતું, જે 1 ફેબ્રુઆરી 2026 ના રોજ રજૂ થવાનું છે.

અર્થતંત્રની કરોડરજ્જુ છે MSME

MSME ક્ષેત્રને ભારતની અર્થવ્યવસ્થાની કરોડરજ્જુ માનવામાં આવે છે. કૃષિ પછી, આ ક્ષેત્ર સૌથી વધુ રોજગાર આપે છે. હાલમાં, આ ક્ષેત્ર 12 કરોડથી વધુ લોકોને રોજગાર આપે છે. ભારતના GDP માં 30% નું યોગદાન આપે છે. મેન્યુફેક્ચરિંગ આઉટપુટમાં 45% નો હિસ્સો ધરાવે છે. દેશની કુલ નિકાસમાં 40% યોગદાન આપે છે. આટલું મોટું યોગદાન આપતા આ ક્ષેત્રને પ્રોત્સાહન આપવું એ સરકારની પ્રાથમિકતા રહેવાની શક્યતા છે.

આગામી બજેટનો લક્ષ્યાંક

નાણાં મંત્રીનું આ આગામી બજેટ માંગ વધારવા, રોજગારનું સર્જન કરવા અને 8% થી વધુ ની સ્થાયી આર્થિક વિકાસ દર હાંસલ કરવા પર કેન્દ્રિત રહેવાની અપેક્ષા છે. હાલના નાણાકીય વર્ષમાં ભારતીય અર્થતંત્રનો વિકાસ દર 6.3% થી 6.8% વચ્ચે રહેવાનો અંદાજ છે. આ બેઠકમાં લઘુ ઉદ્યોગ ભારતી, કાઉન્સિલ ફોર લેધર એક્સપોર્ટ્સ, ઇન્ડિયા એસએમઇ ફોરમ, અને કન્ફેડરેશન ઓફ વુમન એન્ટરપ્રેન્યોર્સ જેવા અનેક મોટા સંગઠનોના પ્રતિનિધિઓ સામેલ થયા હતા. સાથે જ, કેન્દ્રીય નાણાં રાજ્ય મંત્રી પંકજ ચૌધરી અને નાણાં મંત્રાલયના વરિષ્ઠ અધિકારીઓ પણ હાજર રહ્યા હતા.

આ પણ વાંચો- સરકાર લાવી નવી e-Aadhaar એપ: શું તમારી જૂની mAadhaar એપ બંધ થઈ જશે? જાણો A to Z માહિતી