કોમોડિટી લાઇવ: સોના-ચાંદીમાં 3 સપ્તાહના ઉપલા સ્તરેથી દબાણ, ક્રૂડમાં મજબૂતી, બ્રેન્ટ $76ને પાર

સોનામાં 3 સપ્તાહના ઉપલા સ્તરેથી દબાણ જોવા મળ્યું, જ્યાં comex પર ભાવ 2640 ડૉલરની નીચે આવ્યા, તો સ્થાનિક બજારમાં ફ્લેટ ટૂ નેગેટીવ કારોબાર થઈ રહ્યો છે. ઉલ્લેખનિય છે કે 2025ની શરૂઆત સોના માટે સારી થતી દેખાઈ રહી છે.

સોના સાથે ચાંદીમાં પણ ઉપલા સ્તરેથી વેચવાલી જોવા મળી, અહીં વૈશ્વિક બજારમાં ભાવ 30 ડૉલરની નીચે રહ્યા, તો સ્થાનિક બજારમાં ફ્લેટ કામકાજ જોવા મળી રહ્યું છે.

ક્રૂડની તેજી આ સપ્તાહે પણ આગળ વધતા બ્રેન્ટના ભાવ 76 ડૉલરની ઉપર પહોંચ્યા, જ્યારે nymex ક્રૂડમાં 73 ડૉલરની ઉપર કારોબાર જોવા મળી રહ્યો છે. ઉલ્લેખનિય છે કે વર્ષ 2025ના પહેલા સપ્તાહમાં કિંમતો 4 ટકા વધતી દેખાઈ, USમાં ઇન્વેન્ટરી ઘટવા સામે માગ વધવાની આશાએ કિંમતોને સપોર્ટ મળી રહ્યો છે.

કિંમતો વધીને 2 મહિનાના ઉપલા સ્તરે પહોંચી. 2025ના પહેલા સપ્તાહમાં કિંમતો 4% વધતી દેખાઈ. US અને યુરોપમાં ઠંડા હવામાનના કારણે કિંમતોને સપોર્ટ મળ્યો. ચાઈના તરફથી રાહત પેકેજની ઘોષણા પર ફોકસ છે. USમાં ક્રૂડનો સ્ટોક ઘટીને 415 મિલિયન bbl પર પહોંચ્યો. ડિસેમ્બરમાં ચાઈનાના સર્વિસ PMI આંકડા 52.2 પર રહ્યા.

શરૂઆતી કારોબારમાં સ્થાનિક બજારમાં નેચરલ ગેસની કિંમતો આશરે 4 ટકાથી વધુ વધતા 302ના સ્તરની પાસે કારોબાર જોવા મળ્યો હતો.

અમેરિકામાં કપાસનું વાવેતર 2025માં 5.4 ટકા ઘટવાનો અંદાજ, અમેરિકન રૂની નિકાસ ઘટતાં ન્યૂયોર્ક રૂ વાયદો 2 સપ્તાહના નીચલા સ્તરે પહોંચ્યો.