Hyundai IPO: આજે ખુલ્યો છે દેશનો સૌથી મોટો IPO - ચેક કરી લો પ્રાઇસ બેન્ડ, લોટ સાઇઝ, એલોટમેન્ટ ડેટ સહિતની તમામ વિગતો

Hyundai IPO: દક્ષિણ કોરિયન ઓટોમોબાઈલ કંપની હ્યુન્ડાઈનું ભારતીય યુનિટ Hyundai Motor Indiaનો IPO આજે સબસ્ક્રિપ્શન માટે ખુલી રહ્યો છે. કંપનીએ IPO શરૂ થયાના એક દિવસ પહેલા સોમવારે એન્કર ઇન્વેસ્ટર્સ પાસેથી રુપિયા 8315 કરોડ એકત્ર કર્યા છે. અગ્રણી ભારતીય સ્ટોક માર્કેટ એક્સચેન્જ BSEની વેબસાઈટ પર આપવામાં આવેલી માહિતી અનુસાર, New World Fund Inc., Government of Singapore, Fidelity Funds, BlackRock Global Funds, JP Morgan Funds, HDFC Life Insurance Company અને SBI Life Insurance જેવી કંપનીઓએ રોકાણ કર્યું છે. હ્યુન્ડાઈ મોટર ઈન્ડિયામાં મોટા પાયે રોકાણ કર્યું છે.

ભારતના ઈતિહાસનો સૌથી મોટો IPO

આપને જણાવી દઈએ કે Hyundai Motor Indiaનો IPO આજે એટલે કે 15 ઓક્ટોબરે ખુલી રહ્યો છે અને આ IPO 17 ઓક્ટોબરે બંધ થશે. હ્યુન્ડાઈ મોટર ઈન્ડિયાનો આઈપીઓ ભારતના ઈતિહાસનો સૌથી મોટો આઈપીઓ હશે. આ ઓટોમોબાઈલ કંપની તેના આઈપીઓથી કુલ રુપિયા 27,870.16 કરોડ એકત્ર કરશે. આ IPO સંપૂર્ણપણે OFS આધારિત છે, જેમાં કંપનીના પ્રમોટર્સ કુલ 14,21,94,700 શેર ફાળવશે. હ્યુન્ડાઇ મોટર ઇન્ડિયાએ તેના IPO હેઠળ દરેક શેર માટે રુપિયા 1865 થી રુપિયા 1960ની પ્રાઇસ બેન્ડ નક્કી કરી છે. રિટેલ ઇન્વેસ્ટર્સને એક લોટમાં 7 શેર આપવામાં આવશે. 7 શેરના એક લોટ માટે રિટેલ ઇન્વેસ્ટર્સએ ઓછામાં ઓછા રુપિયા 13,720નું રોકાણ કરવું પડશે.

કંપનીના શેર 22 ઓક્ટોબરે BSE અને NSE પર લિસ્ટ થશે

આ પણ વાંચો - ઝારખંડ ચૂંટણી માટે NDA 'ફાઇનલ'માં સીટ શેરિંગ પર વાતચીત, હિમંતા બિસ્વાએ કહ્યું- ટુંક સમયમાં જાહેર થશે પ્રથમ યાદી