Gmail યુઝર્સ સાવધાન! એક ખોટું ક્લિક અને તમારો ડેટા ચોરાઈ શકે છે!

Gmail security: જો તમે Gmail યુઝર છો, તો હવે સાવચેત રહેવાનો સમય છે! હેકર્સે યુઝર્સની પર્સનલ ઇન્ફોર્મેશન અને પાસવર્ડ ચોરવા માટે નવો હથિયાર અપનાવ્યું છે. આ નવું ફિશિંગ અટેક 'Urgent Security' નામના નોટિફિકેશનના રૂપમાં આવી રહ્યું છે, જેના પર ક્લિક કરતાં જ તમારો ડેટા હેકર્સના હાથમાં જઈ શકે છે. આ નવા સાયબર સ્કેમથી બચવા માટે શું કરવું અને શું ન કરવું, ચાલો જાણીએ.

શું છે આ 'Urgent Security' સ્કેમ?

મીડિયા રિપોર્ટ્સ અનુસાર, સ્કેમર્સ Google સિક્યોરિટીના નામે ફેક ઈમેલ મોકલી રહ્યા છે. આ ઈમેલમાં દાવો કરવામાં આવે છે કે તમારા Gmail એકાઉન્ટમાં અનધિકૃત એક્ટિવિટી થઈ રહી છે અને તમારે તાત્કાલિક તેને સુરક્ષિત કરવું જોઈએ. આ માટે યુઝર્સને એક લિંક પર ક્લિક કરવાનું કહેવામાં આવે છે, જે એક નકલી વેબસાઈટ પર લઈ જાય છે. આવી વેબસાઈટ પર લોગિન કરતાં જ યુઝરનો પાસવર્ડ, બેંક ડિટેલ્સ કે અન્ય પર્સનલ ઇન્ફોર્મેશન ચોરાઈ જાય છે. આ ઉપરાંત, આવી વેબસાઈટ્સ તમારા ડિવાઈસમાં વાયરસ પણ ઇન્સ્ટોલ કરી શકે છે.

આ સ્કેમનો શિકાર દુનિયાભરના લગભગ 2.5 અબજ Gmail યુઝર્સ બની શકે છે, જે એક ગંભીર સાયબર ખતરો છે.

Googleના ડેટા અનુસાર, માત્ર 36% યુઝર્સ જ પોતાનો પાસવર્ડ નિયમિત અપડેટ કરે છે. આનો ફાયદો હેકર્સ ઉઠાવે છે અને જે લોકો પોતાનો પાસવર્ડ સમયસર બદલતા નથી, તેમને સરળ રીતે નિશાન બનાવે છે. ઘણા યુઝર્સ ઈમેલમાં આવેલા લિંક પર વિચાર્યા વિના ક્લિક કરી દે છે, જેનાથી તેઓ સ્કેમનો શિકાર બને છે.

સ્કેમથી બચવા માટેના સરળ ઉપાય

1) કોઈપણ ઈમેલમાં આવેલી લિંક પર સીધું ક્લિક કરવાનું ટાળો. આવી લિંક્સ ઘણીવાર નકલી વેબસાઈટ્સ પર લઈ જાય છે.

2) કોઈપણ સિક્યોરિટી સમસ્યા હોય તો નવું બ્રાઉઝર ટેબ ખોલીને સીધા તમારા Google એકાઉન્ટના સિક્યોરિટી સેક્શનમાં જઈને એક્ટિવિટી ચેક કરો.

3) ઈમેલ ખોલતા પહેલાં ખાતરી કરો કે તે Googleના અધિકૃત એડ્રેસથી આવ્યું છે. ડિસ્પ્લે પર 'Google Security' લખેલું હોય, પરંતુ એડ્રેસ નકલી હોઈ શકે છે.

4) Two-Factor Authentication (2FA) ઓન રાખો, Google દ્વારા સલાહ આપવામાં આવે છે કે હંમેશાં 2FA ચાલુ રાખો. આનાથી તમારું એકાઉન્ટ વધુ સુરક્ષિત રહેશે.

5) સંદિગ્ધ ઈમેલની રિપોર્ટ કરો: જો તમને કોઈ શંકાસ્પદ ઈમેલ મળે, તો તેને Googleના ફિશિંગ રિપોર્ટિંગ ટૂલ દ્વારા રિપોર્ટ કરો.

સુરક્ષિત રહો, સચેત રહો!

આજના ડિજિટલ યુગમાં સાયબર સુરક્ષા અત્યંત મહત્વની છે. એક નાની ભૂલ તમારી પર્સનલ ઇન્ફોર્મેશનને જોખમમાં મૂકી શકે છે. તેથી, હંમેશાં સતર્ક રહો, નિયમિત પાસવર્ડ અપડેટ કરો અને અજાણી લિંક્સથી દૂર રહો.

આ પણ વાંચો- અમેરિકનોનો ચોંકાવનારો મત: રશિયા સાથે વેપાર કરનાર દેશો પર પ્રતિબંધની તરફેણ