Mutual Fund Expense Ratio: મ્યુચ્યુઅલ ફંડની ફી થશે સસ્તી! SEBIના નવા પ્રસ્તાવથી રોકાણકારોને મળશે મોટો ફાયદો

Mutual Fund Expense Ratio: રોકાણની દુનિયામાં મ્યુચ્યુઅલ ફંડની લોકપ્રિયતા સતત વધી રહી છે. આ વચ્ચે માર્કેટ નિયામક SEBIએ ફંડ હાઉસની ફીના માળખામાં મોટા ફેરફારનો પ્રસ્તાવ રજૂ કર્યો છે. આ પ્રસ્તાવ અમલમાં આવે તો રોકાણકારોના ખિસ્સાને સીધી રાહત મળશે.

SEBIએ એક કન્સલ્ટેશન પેપર જાહેર કર્યું છે, જેમાં 17 નવેમ્બર સુધી સામાન્ય લોકો પાસેથી અભિપ્રાય માંગવામાં આવ્યા છે. આ પ્રસ્તાવ મુજબ ઓપન એન્ડેડ ઇક્વિટી મ્યુચ્યુઅલ ફંડનો બેઝ એક્સપેન્સ રેશિયો 15 બેસિસ પોઇન્ટ (0.15%) અને ક્લોઝ એન્ડેડ ઇક્વિટી ફંડનો 25 બેસિસ પોઇન્ટ (0.25%) ઘટશે.

મુખ્ય ફેરફારો

- 5 bpsનો વધારાનો ચાર્જ ખતમ

- ટેક્સ અને ચાર્જ TERની બહાર

- STT, GST, સ્ટેમ્પ ડ્યુટી, CTT જેવા તમામ સરકારી ટેક્સને ટોટલ એક્સપેન્સ રેશિયો (TER)ની મર્યાદામાંથી બહાર રાખવાનો પ્રસ્તાવ છે.

-બ્રોકરેજ-ટ્રાન્ઝેક્શન કોસ્ટમાં કાપ

- કેશ માર્કેટ ટ્રાન્ઝેક્શન: 12 bps → 2 bps

- ડેરિવેટિવ્ઝ ટ્રેડ: 5 bps → 1 bps

ડબલ ચાર્જિંગ પર રોક

ઘણી વખત રોકાણકારો બે વખત ચૂકવણું કરે છે, એક ઇન્વેસ્ટમેન્ટ મેનેજમેન્ટ ફી તરીકે, બીજું બ્રોકરેજ-ટ્રાન્ઝેક્શન કોસ્ટ તરીકે. SEBI આ ડબલ ચાર્જિંગ બંધ કરવા માગે છે. ફંડ હાઉસે TERનો સંપૂર્ણ બ્રેકઅપ આપવો પડશે, દરેક ખર્ચની સ્પષ્ટ માહિતી સાથે.

આ પ્રસ્તાવો અમલમાં આવે તો રોકાણકારોનું રિટર્ન વધશે, કારણ કે ઓછી ફીનો અર્થ એટલે વધુ નેટ લાભ. SEBIએ જણાવ્યું કે આ ફેરફારથી ફંડ ઉદ્યોગની કાર્યક્ષમતા પણ વધશે. જો તમે પણ આ પ્રસ્તાવ પર તમારો અભિપ્રાય આપવા માંગો છો, તો 17 નવેમ્બર 2025 પહેલાં SEBIની વેબસાઇટ પર રજૂઆત કરી શકો છો.

આ પણ વાંચો - India US Trade Deal: ટ્રમ્પની ટેરિફ બાજી ફ્લોપ? ચીન પછી ભારત સાથે પણ ટેબલ પર ડીલ!