Mutual Fund UPI Payment: હવે મ્યુચ્યુઅલ ફંડમાંથી સીધું UPI પેમેન્ટ કરો, બચત અને ખર્ચમાં સ્માર્ટ બેલેન્સ મેળવો

Mutual Fund UPI Payment: શું તમે ક્યારેય વિચાર્યું છે કે તમારા મ્યુચ્યુઅલ ફંડના પૈસા રોજ વધતા રહે અને તેનો ઉપયોગ પણ તરત થઈ શકે? હવે આ શક્ય બન્યું છે. ફિનટેક કંપની Curie Moneyએ ભારતમાં પહેલી વાર એક એવી સુવિધા શરૂ કરી છે જેમાં તમે તમારા લિક્વિડ મ્યુચ્યુઅલ ફંડમાંથી સીધા UPI પેમેન્ટ કરી શકો છો.

આ સુવિધા કેવી રીતે કામ કરે છે?

જ્યારે તમને કોઈ બિલ ભરવું હોય કે ઓનલાઈન ખરીદી કરવી હોય, ત્યારે Curie Money એપમાંથી UPI દ્વારા પેમેન્ટ કરો. જરૂરી રકમ તમારા લિક્વિડ ફંડમાંથી તત્કાલ રિડીમ થઈને તમારા બેંક ખાતામાં આવી જશે – બધું મિનિટોમાં. આનો મતલબ એ કે તમારા પૈસા બેંકમાં પડ્યા રહેવાને બદલે રોજ 7% સુધીનું વાર્ષિક રિટર્ન આપતા રહેશે. “આ સુવિધા બચત અને ખર્ચ વચ્ચેની દીવાલ તોડી નાખે છે,” એમ Curie Moneyના સ્પોક્સપર્સને જણાવ્યું.

જાણો આ સુવિધાના મુખ્ય ફાયદા

- ત્વરિત ઉપલબ્ધતા: જરૂર પડે ત્યારે પૈસા તરત મળે.

- સુરક્ષિત અને નિયમિત: SEBI દ્વારા નિયંત્રિત ફંડ્સ, ICICI પ્રુડેન્શિયલ, બજાજ ફિનસર્વ AMC અને YES બેંક જેવા ભાગીદારો.

- સરળ KYC: એપમાં ઝડપી ઓનબોર્ડિંગ, ડિજિટલ વોલેટ જેવી સુવિધાઓ.

આ સિસ્ટમ વ્યક્તિગત રોકાણકારો સાથે-સાથે વેપારીઓ માટે પણ ઉપયોગી છે. વેપારમાં રોજની રોકડ વ્યવસ્થા (કેશ મેનેજમેન્ટ) વધુ સ્માર્ટ બનશે. Curie Money એપ દ્વારા તમે એક જ જગ્યાએ રોકાણ, રિટર્ન અને ખર્ચનું સંચાલન કરી શકશો. આ નવી સુવિધા ભારતના ડિજિટલ પેમેન્ટ ઇકોસિસ્ટમને વધુ મજબૂત બનાવશે. નાના-મોટા રોકાણકારોને હવે પોતાના પૈસાને “નિષ્ક્રિય” રાખવાની જરૂર નહીં પડે – તે રોજ વધશે અને જ્યારે ઈચ્છો ત્યારે ખર્ચ પણ થઈ શકશે.

આ પણ વાંચો-લાખોની સંપત્તિ ડૂબવાની તૈયારી! રોબર્ટ કિયોસાકીનું ખૌફનાક અલર્ટ, શેર માર્કેટ ક્રેશથી બચવાનો એકમાત્ર રસ્તો શું?