Mutual Funds : સ્મોલ-કેપ મ્યુચ્યુઅલ ફંડ્સનો ક્રેઝ વધ્યો, રોકાણકારોએ જૂન ક્વાર્ટરમાં રૂપિયા 11,000 કરોડનું કર્યું રોકાણ

Mutual Funds : સ્મોલ-કેપ ફોક્સ્ડ મ્યુચ્યુઅલ ફંડ સ્કીમમાં રોકાણકારોનો રસ વધી રહ્યો છે. રોકાણકારો મોટી કંપનીઓ (લાર્જ-કેપ્સ) કરતાં નાની કંપનીઓ (સ્મોલ-કેપ્સ)માં રોકાણ કરતા મ્યુચ્યુઅલ ફંડ્સને પ્રાધાન્ય આપી રહ્યા છે. એપ્રિલ-જૂન ક્વાર્ટરમાં આ સ્કીમમાં લગભગ રૂપિયા 11,000 કરોડનું ચોખ્ખું રોકાણ થયું છે. વિશ્લેષકોએ જણાવ્યું હતું કે આ એટલા માટે છે કારણ કે ફંડ મેનેજરો મોટી કંપનીઓમાં રોકાણ કરીને સારા પરિણામો ઉત્પન્ન કરી શક્યા નથી અને આ વલણ આગામી કેટલાક સમય સુધી ચાલુ રહેવાની ધારણા છે.

લાર્જ-કેપ મ્યુચ્યુઅલ ફંડમાંથી ઉપાડ

શું કહે છે નિષ્ણાતો ?

ક્લાયન્ટ એસોસિએટ્સના કો-ફાઉન્ડર હિમાંશુ કોહલીએ જણાવ્યું હતું કે, “છેલ્લા કેટલાક મહિનાઓમાં મિડ-કેપ અને સ્મોલ-કેપ ઇન્કેક્સમાં મજબૂત તેજીનું કારણ એ છે કે લાર્જ-કેપ સેક્ટરને મજબૂત પરિણામો આપવાનું મુશ્કેલ થઈ રહ્યું છે. સ્મોલકેપ ફંડ્સમાં મોટાપાયે રોકાણ કરવાનું આ એક કારણ હોઈ શકે છે.

તેમણે જણાવ્યું હતું કે આ ફંડ્સમાં જંગી રોકાણે ફંડ મેનેજરોને તેમના સ્ટોકની સિલેક્શનમાં વધુ સાવધ બનાવ્યા છે, કારણ કે તેમના મૂલ્યાંકનમાં વધારો થયો છે. તેમણે કહ્યું કે બજારમાં આ હંમેશા થાય છે કારણ કે ફંડ મેનેજરો હંમેશા સારા ભાવે સ્ટોક શોધે છે.

સ્મોલ કેપ ફંડ્સમાં હાઈ રિટર્નની સંભાવના હોય છે

આનંદ રાઠી વેલ્થના ડેપ્યુટી સીઈઓ ફિરોઝ અઝીઝે જણાવ્યું હતું કે રોકાણકારો સ્મોલ-કેપ્સને પસંદ કરી રહ્યા છે કારણ કે તેમની પાસે મિડ-કેપ્સ જેવી જ જોખમની ભૂખ છે, પરંતુ વધુ રિટર્નની સંભાવના છે. મ્યુચ્યુઅલ ફંડ સ્પેસમાં, સ્મોલ-કેપ કેટેગરીએ એક વર્ષમાં 30-37%, ત્રણ વર્ષમાં 40-44% અને પાંચ વર્ષમાં 18-21% ઉત્તમ રિટર્ન આપ્યું છે.

આ પણ વાંચો-Tomato Price Hike: ટામેટાએ બદલ્યું ખેડૂતનું ભાગ્ય! એક મહિનામાં બની ગયો કરોડપતિ