India First Electric Highway: ભારતનો પ્રથમ ઇલેક્ટ્રિક હાઇવે, મુંબઈ-પુણે માર્ગે નવો ઇતિહાસ

India First Electric Highway: મહારાષ્ટ્રના મુખ્યમંત્રી દેવેન્દ્ર ફડણવીસે મુંબઈ-પુણે માર્ગે ભારતનો પ્રથમ ઇલેક્ટ્રિક હાઇવે શરૂ કર્યો. આ પહેલ દેશમાં સ્વચ્છ ઉર્જા અને ટકાઉ પરિવહનની દિશામાં મોટું પગલું છે. આ હાઇવે પર બ્લૂ એનર્જી મોટર્સના ઇલેક્ટ્રિક ટ્રકનો ઉપયોગ થશે, જે પર્યાવરણને નુકસાન પહોંચાડતા ડીઝલ અને પેટ્રોલ વાહનોનો વિકલ્પ બનશે. આથી હવાની ગુણવત્તા સુધરશે અને માલસામાનનું પરિવહન વધુ ઝડપી, સુરક્ષિત અને સસ્તું થશે.

પર્યાવરણ અને ટકાઉ લોજિસ્ટિક્સ માટે મહત્વનું

આ ઇલેક્ટ્રિક હાઇવે મહારાષ્ટ્ર સરકારની 2028 સુધીમાં તમામ મોટા હાઇવેને ઇલેક્ટ્રિક બનાવવાની યોજનાનો ભાગ છે. મુખ્યમંત્રી ફડણવીસે જણાવ્યું કે આ પહેલથી માલસામાનનું પરિવહન બદલાશે અને પર્યાવરણને ફાયદો થશે. આ હાઇવે દેશની હરિયાળી અર્થવ્યવસ્થાને મજબૂત કરશે અને ભારતને આત્મનિર્ભર બનાવવામાં મદદ કરશે.

બ્લૂ એનર્જીના એડવાન્સ્ડ ટ્રક

રાજ્યવ્યાપી યોજના

મહારાષ્ટ્ર સરકાર રાજ્યભરમાં ઇલેક્ટ્રિક હાઇવેનો વિસ્તાર કરવાની યોજના ધરાવે છે. આ માટે બેટરી-સ્વેપ અને ચાર્જિંગ સ્ટેશનો બનાવવામાં આવશે, જેથી પરિવહન વધુ ટકાઉ અને સરળ બને. બ્લૂ એનર્જીએ 3500 કરોડ રૂપિયાના રોકાણ સાથે નવું કારખાનું બનાવવાનો કરાર કર્યો છે, જે વાર્ષિક 30,000 ટ્રકનું ઉત્પાદન કરશે. ચાકનનો તેમનું કારખાનું હાલમાં વાર્ષિક 10,000 ટ્રક બનાવે છે અને ભારતના ગ્રીન એટર્જી ટ્રક માર્કેટમાં તેનો હિસ્સો 60% છે.

પુણે બનશે ટકાઉ લોજિસ્ટિક્સ હબ

આ હાઇવે પુણેને ભારતના ટકાઉ લોજિસ્ટિક્સનું કેન્દ્ર બનાવશે. સ્વચ્છ પરિવહનથી પ્રદૂષણ ઘટશે, નવી ટેક્નોલોજીનો વિકાસ થશે અને ઉર્જા સુરક્ષા વધશે. આ પહેલ ભારતના પર્યાવરણલક્ષી ભવિષ્ય માટે મહત્વનું પગલું છે.

આ પણ વાંચો-BritCard: બ્રિટન આધારની કરશે 'નકલ'! PM સ્ટાર્મર 'બ્રિટ કાર્ડ' માટે ભારતની ડિજિટલ ID સિસ્ટમ અપનાવશે