1 નવેમ્બર 2025થી લાગુ થનારા 7 મોટા બદલાવ: આધારથી બેંક સુધી, તમારી જેબ પર સીધો અસર!

Rules Change From November 1: નવેમ્બર મહિનાની શરૂઆત એટલે માત્ર ઠંડીનો આગમન નહીં, પણ જીવનના દરેક ક્ષેત્રમાં નવા નિયમોનો પ્રારંભ પણ. 1 નવેમ્બર 2025થી દેશભરમાં 7 મહત્વપૂર્ણ બદલાવ અમલમાં આવશે, જેની સીધી અસર સામાન્ય માણસના ખિસ્સા પર પડશે. આ બદલાવો આધાર કાર્ડથી લઈને બેંકિંગ, ગેસ સિલિન્ડર, ક્રેડિટ કાર્ડ અને પેન્શન સુધી ફેલાયેલા છે. કેટલાક નિયમો ખર્ચ વધારશે, તો કેટલાક રાહત આપશે. ચાલો, એક પછી એક સમજીએ આ 7 બદલાવો.

બાળકો માટે આધાર અપડેટ ફ્રી

યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI)એ બાળકોના આધાર કાર્ડના બાયોમેટ્રિક અપડેટ પર 125 રૂપિયાની ફી માફ કરી છે. હવે 1 વર્ષ સુધી બાળકોનું આધાર અપડેટ સંપૂર્ણ મફત રહેશે. જ્યારે પુખ્ત વયના લોકો માટે નામ, જન્મતારીખ, સરનામું કે મોબાઇલ નંબર અપડેટ કરાવવા 75 રૂપિયા અને બાયોમેટ્રિક (આંગળીની છાપ કે આંખની સ્કેન) અપડેટ માટે 125 રૂપિયા ચૂકવવા પડશે.

બેંક ખાતામાં 4 નોમિની ઉમેરી શકાશે

SBI કાર્ડથી ડિજિટલ પેમેન્ટ પર 1% ચાર્જ

SBI કાર્ડ યુઝર્સ માટે ઝટકો. 1 નવેમ્બરથી થર્ડ-પાર્ટી એપ્સ દ્વારા શૈક્ષણિક ચુકવણીઓ પર 1% ફી લાગશે. ઉપરાંત, 1000 રૂપિયાથી વધુ ડિજિટલ વોલેટ લોડ કરવા પર પણ 1% ચાર્જ વસૂલાશે. એટલે ઓનલાઇન ટ્રાન્ઝેક્શન કરનારાઓએ વધારાનો ખર્ચ ધ્યાનમાં રાખવો પડશે.

પેન્શનર્સ માટે 30 નવેમ્બર સુધીની ડેડલાઇન

તમામ કેન્દ્રીય અને રાજ્ય સરકારના નિવૃત્ત કર્મચારીઓએ 30 નવેમ્બર સુધી વાર્ષિક જીવન પ્રમાણપત્ર જમા કરાવવું ફરજિયાત છે. આ કામ બેંક શાખામાં કે જીવન પ્રમાણ પોર્ટલ દ્વારા ઓનલાઇન કરી શકાય છે. સમયસર જમા નહીં કરાવવાથી પેન્શનમાં વિલંબ કે બંધ થવાનો ભય છે.

LPG સિલિન્ડરની નવી કિંમતો 1 નવેમ્બરે

દર મહિનાની 1 તારીખે તેલ કંપનીઓ ઘરગથ્થુ અને વ્યાપારી LPG સિલિન્ડરની કિંમતો જાહેર કરે છે. 1 નવેમ્બરે પણ નવી દરો જાહેર થશે. તહેવારોની સિઝનમાં ગ્રાહકોને રાહત મળશે કે રસોઈનો ખર્ચ વધશે, એ જોવું રહ્યું.

નવો બે-સ્લેબ GST સિસ્ટમ શરૂ

1 નવેમ્બરથી જૂના 5%, 12%, 18% અને 28%ના ચાર સ્લેબ બંધ થશે. હવે માત્ર બે-સ્લેબ સિસ્ટમ લાગુ થશે, જેમાં ખાસ વસ્તુઓ પર વિશેષ દર અને વૈભવી તેમજ ‘સિન ગુડ્સ’ પર 40% ટેક્સ લાગશે. સરકારનો હેતુ ટેક્સ વ્યવસ્થાને સરળ અને પારદર્શી બનાવવાનો છે.

NPSથી UPSમાં સ્વિચ કરવાની છેલ્લી તક

કેન્દ્ર સરકારી કર્મચારીઓ માટે મહત્વની સૂચના. NPSમાંથી UPSમાં જવા માંગતા કર્મીઓને 30 નવેમ્બર સુધીનો સમય આપવામાં આવ્યો છે. આ વિસ્તૃત સમયમર્યાદા કર્મચારીઓને પેન્શન યોજનાનું પુનર્મૂલ્યાંકન કરવામાં મદદ કરશે.

આ 7 બદલાવો સીધી રીતે તમારા દૈનિક ખર્ચ અને નાણાકીય નિર્ણયોને અસર કરશે. સમયસર માહિતી રાખીને તૈયારી કરો, જેથી કોઈ મુશ્કેલી ન પડે.

આ પણ વાંચો - ભારતે ફરી એકવાર બતાવી તાકાત, ઇન્ડિયન ઓઇલે રશિયા પાસેની 5 જહાજની કરી ખરીદી, પશ્ચિમી દેશોમાં મચી ગયો ખળભળાટ!