mAadhaar vs e-Aadhaar: સરકારે (UIDAI) તાજેતરમાં એક નવી e-Aadhaar એપ લોન્ચ કરી છે, જેને હાલના mAadhaar એપના એક અપગ્રેડ વર્ઝન તરીકે રજૂ કરવામાં આવી છે. UIDAIએ આ એપને ખાસ કરીને પેપરલેસ વેરિફિકેશન અને અન્ય ડિજિટલ કામોને સરળ બનાવવા માટે રજૂ કરી છે. આ એપ Android અને iOS બંને પ્લેટફોર્મ માટે ઉપલબ્ધ છે.
સરકાર લાવી નવી e-Aadhaar એપ: શું તમારી જૂની mAadhaar એપ બંધ થઈ જશે? જાણો A to Z માહિતી
mAadhaar vs e-Aadhaar: UIDAIએ નવી e-Aadhaar એપ લોન્ચ કરી છે. શું આ mAadhaar એપનું રિપ્લેસમેન્ટ છે? જાણો આ બે એપ વચ્ચેના મુખ્ય તફાવતો, ફીચર્સ અને કઇ એપ તમારા માટે વધુ ઉપયોગી છે.
અપડેટેડ 11:57:36 AM Nov 13, 2025 પર
સરકારે (UIDAI) તાજેતરમાં એક નવી e-Aadhaar એપ લોન્ચ કરી છે, જેને હાલના mAadhaar એપના એક અપગ્રેડ વર્ઝન તરીકે રજૂ કરવામાં આવી છે.
પરંતુ આ નવા એપના લોન્ચિંગ પછી, ઘણા લોકોના મનમાં એક જ સવાલ છે કે આખરે આ નવા e-Aadhaar અને જૂના mAadhaar એપમાં મુખ્ય તફાવત શું છે? ચાલો, આ બન્ને એપ વિશેની A to Z વિગતો જાણીએ.
શું જૂનું mAadhaar એપ બંધ થઈ જશે?
સૌથી પહેલા એ સ્પષ્ટતા જરૂરી છે કે એવું બિલકુલ નથી. UIDAI (યુનિક આઇડેન્ટિફિકેશન ઓથોરિટી ઓફ ઇન્ડિયા) એ સ્પષ્ટ કર્યું છે કે આ નવી એપ "સ્માર્ટ, સિક્યોર અને પેપરલેસ" છે, પરંતુ તે જૂના mAadhaar એપને રિપ્લેસ નહીં કરે.
બંને એપ્સ સ્ટેન્ડઅલોન છે, એટલે કે તે પોતપોતાની રીતે અલગ-અલગ કામો માટે ઉપયોગમાં લેવાશે. mAadhaar એપ મુખ્યત્વે 'મોબાઇલ ફર્સ્ટ' પ્લેટફોર્મ તરીકે આવી હતી. જ્યારે નવી e-Aadhaar એપ ડિજિટલ ઓળખના વ્યાપક ઉપયોગ માટે ડિઝાઇન કરવામાં આવી છે.
mAadhaar એપ (જૂવી એપ) શું છે?
mAadhaar એ UIDAI દ્વારા લોન્ચ કરાયેલી પહેલી ઓફિશિયલ એપ હતી. તેનો ઉપયોગ મુખ્યત્વે આધાર સંબંધિત સર્વિસ માટે થતો હતો. જેમ કે:
* e-Aadhaar (PDF ફોર્મેટ) ડાઉનલોડ કરવું.
* વર્ચ્યુઅલ ID (VID) જનરેટ કરવું.
* આધાર કાર્ડને લોક કે અનલોક કરવું.
* PVC કાર્ડ ઓર્ડર કરવું.
* સરનામામાં સુધારા માટે રિક્વેસ્ટ કરવી.
આ એપમાં તમે મુખ્યત્વે ફક્ત એક જ આધાર પ્રોફાઇલ મેનેજ કરી શકતા હતા અને લોગ-ઇન માટે OTP અને પિનનો ઉપયોગ થતો હતો.
નવી e-Aadhaar એપ કેમ ખાસ છે?
નવા e-Aadhaar એપમાં ઘણા અપગ્રેડેડ ફીચર્સ છે, જે તેને જૂના એપ કરતાં અલગ પાડે છે:
એકથી વધુ પ્રોફાઇલ: આ નવા એપમાં યુઝર્સ એકસાથે 5 અલગ-અલગ આધાર પ્રોફાઇલ લિંક કરી શકે છે. એટલે કે, તમે તમારા પરિવારના તમામ સભ્યોના આધાર કાર્ડ એક જ એપમાં મેનેજ કરી શકો છો. આના માટે એક શરત છે કે બધા જ આધાર કાર્ડ એક જ રજિસ્ટર્ડ મોબાઇલ નંબર સાથે લિંક હોવા જરૂરી છે.
એડવાન્સ સિક્યોરિટી: નવા એપમાં ફેસ ઓથેન્ટિકેશન અને બાયોમેટ્રિક જેવી આધુનિક લોગ-ઇન સુવિધા પણ છે, જે તમારા આધાર ડેટાને વધુ સુરક્ષિત બનાવે છે.
ડિજિટલ ID શેરિંગ: UIDAI મુજબ, આ એપનો મુખ્ય ઉદ્દેશ્ય પેપરલેસ વેરિફિકેશનને પ્રોત્સાહન આપવાનો છે. આના દ્વારા તમે QR કોડ સ્કેન કરાવીને તમારી ડિજિટલ ID કોઈ પણ સંસ્થા સાથે સરળતાથી શેર કરી શકો છો.
Experience a smarter way to carry your digital identity! The new Aadhaar App offers enhanced security, easy access, and a completely paperless experience — anytime, anywhere. Download now! Android: https://t.co/f6QEuG8cs0 iOS: https://t.co/RUuBvLwvsQ#Aadhaar #UIDAI… pic.twitter.com/gOwI6jH6Lu
— Aadhaar (@UIDAI) November 9, 2025
ટૂંકમાં સમજો મુખ્ય તફાવત
સરળ શબ્દોમાં કહીએ તો, જૂની mAadhaar એપ મુખ્યત્વે આધારની બેઝિક સુવિધાઓ જેમ કે PDF ડાઉનલોડ, VID જનરેશન માટે હતી, જેમાં 1 પ્રોફાઇલ અને OTP/PIN લોગ-ઇન હતું.
જ્યારે નવી e-Aadhaar એપ એક મોડર્ન, યુઝર-ફ્રેન્ડલી ઇન્ટરફેસ સાથે આવી છે. તે ખાસ ડિજિટલ આઇડેન્ટિટી અને પેપરલેસ વેરિફિકેશન માટે બની છે. તેમાં 5 પ્રોફાઇલ ઉમેરવાની સુવિધા, ફેસ ઓથેન્ટિકેશન અને બાયોમેટ્રિક લોગ-ઇન જેવા એડવાન્સ ફીચર્સ મળે છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
