GST 2.0... ઝીરો, 5, 18 અને 40%, તમારા ઉપયોગની કઈ વસ્તુ કયા સ્લેબમાં આવે છે, ચેક કરી લો સંપૂર્ણ લિસ્ટ

GST 2.0: ભારત સરકારે દેશના લોકોને પ્રી-દિવાળી ગિફ્ટ આપી છે! 56મી GST કાઉન્સિલની બેઠકમાં લેવાયેલા નિર્ણયો અંતર્ગત 22 સપ્ટેમ્બર 2025થી નવા GST રેટ લાગુ થશે. આ નવા સુધારાઓ હેઠળ 100થી વધુ રોજિંદા વપરાશની વસ્તુઓ સસ્તી થશે, જ્યારે લક્ઝરી અને નુકસાનકારક પ્રોડક્ટ્સ પર ટેક્સ વધશે. જાણો, કઈ વસ્તુઓ પર ટેક્સ ઘટ્યો અને કઈ વસ્તુઓ મોંઘી થશે.

શું થશે સસ્તું?

ફૂડ આઈટમ્સ

* વનસ્પતિ તેલ, મોમ, માંસ, માછલી, ડેરી પ્રોડક્ટ્સ (ઘી, પનીર, માખણ), સોયા દૂધ: 12%-18%થી ઘટીને 5%

પિઝા બ્રેડ, ખાખરા, ચપાટી: 5%થી ઝીરો

કન્ઝ્યુમર અને ડોમેસ્ટિક વસ્તુઓ

* હેર ઓઈલ, શેમ્પૂ, ટૂથપેસ્ટ, સાબુ, ટૂથબ્રશ: 18%થી 5%

* ટેબલવેર, કિચનવેર (લાકડું, લોખંડ, પ્લાસ્ટિક), મોમબત્તી, છત્રી: 12%થી 5%

* ઈરેઝર, પેન્સિલ, શાર્પનર, નોટબુક, ગ્લોબ: 12%થી ઝીરો

ઈલેક્ટ્રોનિક્સ

* એસી, ડીશવોશર, ટીવી, મોનિટર: 28%થી 18%

એગ્રીકલ્ચર અને ફર્ટિલાઈઝર

* ટ્રેક્ટર, ટ્રેક્ટર ટાયર, કૃષિ મશીનરી, બાયો-પેસ્ટીસાઈડ: 12%-18%થી 5%

હેલ્થકેર

* હેલ્થ ઈન્શ્યોરન્સ, થર્મોમીટર, ગ્લૂકોમીટર, ચશ્મા, દવાઓ: 12%-18%થી 5% અથવા ઝીરો

કપડાં અને ચામડું

* સિન્થેટિક દોરા, 2500થી ઓછી કિંમતનાં રેડીમેડ કપડાં: 12%-18%થી 5%

* તૈયાર ચામડું, ચામડાની વસ્તુઓ: 12%થી 5%

બિલ્ડીંગ મટીરીયલ્સ

* ટાઈલ્સ, ઈંટો, સિમેન્ટ: 28%થી 18% અથવા 5%

નવીનીકરણીય ઉર્જા

* સોલાર કૂકર, બાયોગેસ, સોલાર પેનલ: 12%થી 5%

શું થશે મોંઘું?

* લક્ઝરી વાહનો: મોટી SUV, લક્ઝરી કાર, 350ccથી મોટી મોટરસાયકલ, રેસિંગ કાર: 28%થી 40%

* તમાકુ અને પીણાં: સિગાર, સિગરેટ, કેફીનયુક્ત પીણાં: 28%થી 40%

* ક્રિકેટ મેચ ટિકિટ: 12%થી 18%

* કેસિનો, સટ્ટાબાજી: 28%થી 40%

શું છે નવું?

આ નવા રેટ રોજિંદા જીવનમાં વપરાતી વસ્તુઓને સસ્તી કરશે, જેનાથી મધ્યમ અને નીચલા વર્ગના લોકોને રાહત મળશે. બીજી તરફ, લક્ઝરી અને હાનિકારક પ્રોડક્ટ્સ પર વધેલો ટેક્સ સરકારની આવક વધારશે. GST 2.0નો હેતુ આર્થિક સંતુલન અને જનતાના હિતને પ્રાથમિકતા આપવાનો છે.