PM SWANIDHI Yojana: સરકારે આપ્યા ખુશખબર, સમયમર્યાદા લંબાવી, જાણો નવી તારીખ

PM SWANIDHI Yojana: કેન્દ્ર સરકારે પ્રધાનમંત્રી સ્ટ્રીટ વેન્ડર આત્મનિર્ભર નિધિ (PM સ્વનિધિ) યોજનાને 31 માર્ચ, 2030 સુધી લંબાવવાની જાહેરાત કરી છે. પ્રધાનમંત્રી નરેન્દ્ર મોદીની અધ્યક્ષતામાં કેન્દ્રીય મંત્રીમંડળે આ યોજનાના લોનની મુદત અને બજેટને મંજૂરી આપી, જેનું કુલ બજેટ 7,332 કરોડ નક્કી કરાયું છે. આ યોજના 1.15 કરોડ સ્ટ્રીટ વેન્ડર્સને લાભ આપશે, જેમાં 50 લાખ નવા લાભાર્થીઓનો પણ સમાવેશ થશે.

યોજનાનો અમલ અને જવાબદારી

આ યોજનાને આવાસ અને શહરી કાર્ય મંત્રાલય તેમજ નાણાકીય સેવા વિભાગ (DFS) મળીને અમલમાં મૂકશે. DFS બેંકો અને નાણાકીય સંસ્થાઓ દ્વારા લોન અને UPI-લિંક્ડ રૂપે ક્રેડિટ કાર્ડ જારી કરવામાં મદદ કરશે.

મુખ્ય ફેરફારો અને સુવિધાઓ

પ્રથમ હપ્તો: 10,000 થી વધીને 15,000

બીજો હપ્તો: 20,000 થી વધીને 25,000

ત્રીજો હપ્તો: 50,000 (યથાવત)

રૂપે ક્રેડિટ કાર્ડ: બીજા હપ્તાની ચૂકવણી કરનાર લાભાર્થીઓને UPI-લિંક્ડ રૂપે ક્રેડિટ કાર્ડ મળશે, જે તેમને તાત્કાલિક ક્રેડિટ સુવિધા પૂરી પાડશે.

ડિજિટલ પેમેન્ટને પ્રોત્સાહન: રિટેલ અને હોલસેલ ડિજિટલ ટ્રાન્ઝેક્શન પર 1,600 સુધીનું કેશબેક મળશે, જે ડિજિટલ લેનદેનને વેગ આપશે.

યોજનાનો વિસ્તાર: હવે આ યોજના ફક્ત શહેરો સુધી મર્યાદિત નહીં રહે, પરંતુ જનગણના શહેરો, અર્ધ-શહેરી અને ગ્રામીણ વિસ્તારોમાં પણ ધીમે ધીમે વિસ્તરશે.

સ્ટ્રીટ વેન્ડર્સનો કૌશલ્ય વિકાસ

યોજના હેઠળ સ્ટ્રીટ વેન્ડર્સને ઉદ્યમશીલતા, ડિજિટલ સાક્ષરતા, નાણાકીય વ્યવસ્થાપન અને માર્કેટિંગની તાલીમ આપવામાં આવશે. FSSAIની મદદથી ફૂડ વેન્ડર્સને સ્વચ્છતા અને ખાદ્ય સુરક્ષા અંગે તાલીમ મળશે. માસિક ‘લોક કલ્યાણ મેળા’ દ્વારા વેન્ડર્સ અને તેમના પરિવારોને સરકારી યોજનાઓનો લાભ મળશે, જે તેમના સામાજિક-આર્થિક વિકાસને સુનિશ્ચિત કરશે.

અત્યાર સુધીની સિદ્ધિઓ (જુલાઈ 2025 સુધી)

96 લાખથી વધુ લોનનું વિતરણ (13,797 કરોડ)

68 લાખ સક્રિય લાભાર્થીઓ

557 કરોડથી વધુ ડિજિટલ ટ્રાન્ઝેક્શન (36.09 લાખ કરોડની કિંમત)

241 કરોડનું કેશબેક

‘સ્વનિધિ સે સમૃદ્ધિ’ હેઠળ 46 લાખ પ્રોફાઇલિંગ, 1.38 કરોડ યોજના સ્વીકૃતિઓ

રાષ્ટ્રીય સન્માન

2023: પ્રધાનમંત્રી ઉત્કૃષ્ટતા પુરસ્કાર – નવીનતા માટે

2022: સિલ્વર એવોર્ડ – ડિજિટલ ટ્રાન્સફોર્મેશન માટે

યોજનાનો ઉદ્દેશ

PM સ્વનિધિ યોજના ફક્ત નાણાકીય સહાય જ નહીં, પરંતુ સ્ટ્રીટ વેન્ડર્સના સશક્તિકરણ, વ્યવસાય વિસ્તાર અને ડિજિટલ સમાવેશનું માધ્યમ બની છે. 2030 સુધીનો તેનો વિસ્તાર શહેરી અર્થતંત્રને વધુ જીવંત અને આત્મનિર્ભર બનાવવાનું મહત્વનું પગલું છે.

આ પણ વાંચો-‘મંદિર, પાણી, શ્મશાનમાં કોઈ પણ ભેદ ન હોવો જોઈએ’: RSS પ્રમુખ મોહન ભાગવતનું મોટું નિવેદન