Unclaimed bank deposits: ભૂલી ગયા છો જૂનું બેંક ખાતું? RBIએ આપ્યા લાવારિસ પૈસા પાછા મેળવવાના 3 સરળ રસ્તા

Unclaimed bank deposits: ઘણા લોકો પોતાના જૂના બેંક ખાતા ભૂલી જાય છે અને વર્ષો સુધી તેમાં પડેલા પૈસાની કોઈ ખબર પડતી નથી. પણ ચિંતા ન કરો! રિઝર્વ બેંક ઓફ ઈન્ડિયા (RBI) એ આવા લાવારિસ પૈસા પરત મેળવવા માટે ખાસ અભિયાન શરૂ કર્યું છે, જે ઓક્ટોબર 2025થી ડિસેમ્બર 2025 સુધી ચાલશે.

આ અભિયાન હેઠળ RBIએ 3 સરળ રીતો બતાવી છે, જેનાથી તમે તમારા જૂના ખાતામાં પડેલા પૈસા સરળતાથી પાછા મેળવી શકો છો.

બેંક ખાતું નિષ્ક્રિય થવાનો નિયમ શું છે?

- 2થી 10 વર્ષ સુધી ખાતું ન ચલાવવામાં આવે તો તે નિષ્ક્રિય (Inactive) થઈ જાય છે.

- ફરી ચાલુ કરવા KYC અપડેટ અને એક ટ્રાન્ઝેક્શન કરવું પડે છે.

10 વર્ષથી વધુ સમય ન ચલાવવામાં આવે તો શું થાય?

- ખાતામાં જમા સંપૂર્ણ રકમ + વ્યાજને બેંક RBIના DEA ફંડ (જમાકર્તા શિક્ષણ અને જાગૃતિ ફંડ)માં ટ્રાન્સફર કરી દે છે.

- આ ફંડ મે 2014માં શરૂ થયું હતું.

પણ સારી વાત એ છે કે આ પૈસા ક્યારેય બેંક કે RBIના નથી થતા. તમે કે તમારા કાનૂની વારસદાર કોઈ પણ સમયે તે પરત મેળવી શકો છો.

લાવારિસ પૈસા પાછા મેળવવાની 3 સરળ રીતો

1. નજીકની કોઈ પણ બેંક શાખામાં જાઓ.

2. ફોર્મ ભરો અને KYC દસ્તાવેજ (આધાર, ડ્રાઈવિંગ લાઈસન્સ, વોટર ID વગેરે) જમા કરો.

3. દસ્તાવેજ ચકાસણી બાદ, તમને મૂળ રકમ + વ્યાજ પરત મળશે.

તમારા લાવારિસ પૈસાની જાણકારી કેવી રીતે મેળવવી?

- બેંકની શાખામાં સંપર્ક કરો.

- અથવા RBIના UDGAM પોર્ટલ પર જઈને ઓનલાઈન તપાસ કરો.

- હાલમાં 30 મોટી બેંકો જોડાયેલી છે, જેમાં SBI, HDFC, ICICI વગેરેનો સમાવેશ થાય છે.

આ પણ વાંચો- ધર્મેન્દ્રના મૃત્યુના ખોટા સમાચારથી ભડકી હેમા માલિની: ‘આ અપમાનજનક છે, પરિવારની ગોપનીયતાનું સન્માન કરો!'