Budget 2024: સામાન્ય બજેટથી જનતાને આ 10 મોટી આશા, જાણો શું થઈ શકે છે મોટી જાહેરાત

Budget 2024: કેંદ્રીય નાણા મંત્રી નિર્મલા સીતારમણ (Nirmala sitharaman) 01 ફેબ્રુઆરી 2024 ના મોદી સરકારના વચગાળાનું બજેટ (Union Budget 2024) રજુ કરવા જઈ રહ્યાં છે. લોકસભાની ચૂંટણી પહેલા રજૂ થનાર આ બજેટ પાસેથી સામાન્ય જનતાને ઘણી અપેક્ષાઓ છે. એક તરફ મહિલાઓ અને ખેડૂતોને લઈને કેટલીક મોટી જાહેરાતો થવાની આશા છે તો બીજી તરફ વધારાના ટેક્સમાં પણ છૂટ મળવાની આશા છે.

આવો જાણીએ સામાન્ય બજેટ પહેલા દેશની જનતાને મોદી સરકાર પાસેથી કઈ 10 મોટી અપેક્ષાઓ છે

દેશની સામાન્ય જનતા બજેટથી મોંઘવારી માંથી રાહતની અપેક્ષા રાખી રહી છે. રાંધણગેસ વગેરે જેવી તમામ મોંઘી ખાદ્ય ચીજવસ્તુઓના ભાવ ઘટાડવાની માંગ છે. આવી સ્થિતિમાં સરકાર ઘણી મહત્વપૂર્ણ વસ્તુઓ પર ટેક્સ ઘટાડી શકે છે.

નોકરીયાત વર્ગને ટેક્સમાં છૂટ

નોંધનીય છે કે બજેટના થોડા મહિનાઓ બાદ જ દેશમાં સામાન્ય ચૂંટણીઓ યોજાવાની છે. આવી સ્થિતિમાં, આશા છે કે પહેલા 10 વર્ષમાં જે નથી થયું તે આ વર્ષે થઈ શકે છે. જો સૂત્રો અને મીડિયા રિપોર્ટ્સનું માનીએ તો સરકાર કરદાતાઓને રાહત આપતા સ્ટાન્ડર્ડ ડિડક્શનની મર્યાદા વધારી શકે છે.

રસોઈ ગેસના ભાવ થશે ઓછા?

આ વખતે મહિલાઓને આશા છે કે સરકાર ગેસના ભાવમાં ઘટાડો કરી શકે છે. તાજેતરમાં, ઉજ્જવલા યોજના હેઠળ 200 રૂપિયાની છૂટ આપવામાં આવી હતી. આ વખતે આ રકમ ઓછી રહેવાની ધારણા છે.

સીનિયર સિટીઝંસને પણ આશા

યુવાઓ અને મહિલાઓ ઉપરાંત સીનિયર સિટીઝંસને પણ આ વખતે આશા છે. તેમને આશા છે કે સરકાર ટ્રેન કન્સેશન ફરી શરૂ કરી શકે છે. આ સિવાય સરકાર અયોધ્યામાં રામ મંદિરના દર્શન માટે પણ પ્લાન તૈયાર કરી શકે છે.

ખેડૂતોની વધશે રકમ

આ વખતે સામાન્ય બજેટ પાસેથી ખેડૂતોને પણ ઘણી અપેક્ષાઓ છે. તેમને આશા છે કે સરકાર સામાન્ય બજેટમાં પીએમ કિસાન યોજના હેઠળ આપવામાં આવતી રકમમાં વધારો કરી શકે છે.

સારુ સ્વાસ્થ્ય સુવિધા મળવાની આશા

આ સિવાય મોદી સરકાર દેશમાં સ્વાસ્થ્ય સુવિધાઓને લઈને નવું બજેટ પણ રજૂ કરી શકે છે. સરકારી હોસ્પિટલો અને જરૂરિયાતમંદોની સારવાર અંગે બજેટમાં કંઈક થઈ શકે છે. આરોગ્ય બજેટમાં વધારો થવાની ધારણા છે.

યુવાઓને બજેટથી પણ આશા

મહિલાઓ, ખેડૂતો અને સીનિયર સિટીઝંસના સિવાય દેશના યુવાનોની નજર પણ આ બજેટ પર રહેશે. યુવાનોને આશા છે કે સરકાર તેમના રોજગારનું ધ્યાન રાખશે. બજેટમાં મહત્તમ રોજગારી માટે પગલાં લેવામાં આવશે.

ટેક્સ સ્લેબમાં બદલાવ

તમને જણાવી દઈએ કે ઓલ્ડ ટેક્સ રિઝિમ (Old Tax Regime) ની હેઠળ 2014 થી ટેક્સ સ્લેબમાં બદલાવ નથી થયો. જેના કારણે ટેક્સનો બોજ લોકો પર વધી રહ્યો છે.

રિયલ એસ્ટેટ સેક્ટર

આ વર્ષે રજૂ થયેલા બજેટમાં સૌથી વધારે રિયલ એસ્ટેટ સેક્ટરને સૌથી વધુ અપેક્ષાઓ છે. તમને જણાવી દઈએ કે રિયલ એસ્ટેટ પર લાદવામાં આવેલો ટેક્સ વિશ્વમાં સૌથી વધુ છે.

સસ્તા સફરની આશા

તેના સિવાય આ સમયે દેશમાં મુસાફરી કરવી ઘણી મોંઘી સાબિત થઈ રહી છે. લોકોને આશા છે કે સરકાર ચોક્કસપણે આવા પગલા લેશે જેથી ટ્રેન અને બસની ટિકિટના ભાવમાં ઘટાડો થાય અને જરૂરિયાતમંદ લોકો સરળતાથી મુસાફરી કરી શકે.

Interim Budget 2024: થઈ ગઈ હલવા સેરેમની, વચગાળાના બજેટની પ્રક્રિયા અંતિમ તબક્કામાં પહોંચી, મંત્રાલયમાં 'લોક' થયા અધિકારી