Budget 2025: જો નાણામંત્રી ઘટાડશે ઈમ્પોર્ટ ડ્યુટી, તો સસ્તા થઈ જશે સ્માર્ટફોન સહિતના ઇલેક્ટ્રોનિક ઉત્પાદનો

Budget 2025:  સ્માર્ટફોન સહિત ઈલેક્ટ્રોનિક્સ ઉત્પાદનોની કિંમતોમાં ઘટાડો થઈ શકે છે. હેન્ડસેટ અને ઈલેક્ટ્રોનિક ગેજેટ્સનું ઉત્પાદન કરતી કંપનીઓએ નાણામંત્રી નિર્મલા સીતારમણને ઈલેક્ટ્રોનિક્સ પ્રોડક્ટ્સમાં વપરાતા ભાગોના ઈમ્પોર્ટ ટેરિફ સ્ટ્રક્ચરમાં ફેરફાર કરવાની સલાહ આપી છે. તેમણે નાણાં પ્રધાનને PCBA, FPC, કેમેરા મોડ્યુલ્સ અને કનેક્ટર્સ પરની આયાત ડ્યૂટી 2.5 ટકાથી ઘટાડીને શૂન્ય કરવાની સલાહ આપી છે. જો નાણામંત્રી આ સલાહ માની લે તો સ્માર્ટફોન સહિત અનેક ઈલેક્ટ્રોનિક પ્રોડક્ટ્સની કિંમતો નીચે આવી શકે છે.

ઈન્ડિયા સેલ્યુલર એન્ડ ઈલેક્ટ્રોનિક્સ એસોસિએશન (આઈસીઈએ)એ જણાવ્યું છે કે સબ-એસેમ્બલી અને તેના ઘટકો પર ઊંચા ટેરિફને કારણે ઉત્પાદન ખર્ચમાં વધારો થાય છે. આ વૈશ્વિક બજારોમાં ભારતીય ઉત્પાદનોની સ્પર્ધાત્મકતાને અસર કરે છે. ICEOનું કહેવું છે કે જો સરકાર તેમની ઝીરો ટેરિફ સ્ટ્રક્ચરની માંગ સ્વીકારે તો તેનાથી ઈલેક્ટ્રોનિક્સ સેક્ટરના વિકાસને વેગ મળશે.

આ પણ વાંચો-Khel Ratna Awards 2024: મનુ ભાકર અને વર્લ્ડ ચેમ્પિયન ડી. ગુકેશ સહિત ચાર એથલીટ્સને મળશે ધ્યાનચંદ ખેલ રત્ન પુરસ્કાર

એસોસિએશને સરકારને વિનંતી કરી છે કે કાર ડિસ્પ્લે ઇનપુટ્સ પરની લેવી ઘટાડવામાં આવે. તેમનું કહેવું છે કે સરકારે તેને 15 ટકાથી ઘટાડીને શૂન્ય કરવું જોઈએ. આ સિવાય BLU, કવર ગ્લાસ અને ઓપન સેલ પર પણ ડ્યૂટીમાં ઘટાડો થવો જોઈએ. તેનાથી નિકાસ વધારવામાં મદદ મળશે. નાણામંત્રી નિર્મલા સીતારમણ 1 ફેબ્રુઆરી, 2025ના રોજ કેન્દ્રીય બજેટ રજૂ કરશે. એવી અપેક્ષા રાખવામાં આવે છે કે તે એસોસિએશનની માંગને ધ્યાનમાં રાખીને ટેરિફ માળખાના સરળીકરણની જાહેરાત કરશે.