Most valuable family: અંબાણી પરિવારનું વર્ચસ્વ: હુરુન લિસ્ટમાં પ્રથમ સ્થાન, જાણો અદાણી-બિરલા ક્યાં ?

Most valuable family: હુરુન ઇન્ડિયાએ 2025ની ‘Most Valuable Family Businesses’ લિસ્ટ જાહેર કરી છે, જેમાં મુકેશ અંબાણીનો પરિવાર 14.01 લાખ કરોડ રૂપિયાની સંપત્તિ સાથે પ્રથમ સ્થાને છે. આ સંપત્તિ ભારતના GDPના 12% જેટલી છે. ગયા વર્ષે આ પરિવારની સંપત્તિમાં 10%નો વધારો થયો છે, જેના કારણે તેઓએ દેશના સૌથી મૂલ્યવાન બિઝનેસ ફેમિલી તરીકે પોતાનું સ્થાન જાળવી રાખ્યું છે.

અદાણી અને બિરલા પરિવારની સ્થિતિ

ગૌતમ અદાણીનો પરિવાર બીજા સ્થાને છે. હુરુનની રિપોર્ટમાં અદાણી પરિવારને ‘પહેલી પેઢીના ઉદ્યોગસાહસિક’ તરીકે ઓળખવામાં આવ્યો છે. બીજી તરફ, કુમાર મંગલમ બિરલાના પરિવારની સંપત્તિ 20% વધીને 6.47 લાખ કરોડ રૂપિયા થઈ છે, જેના કારણે તેઓ બહુ-પેઢીના બિઝનેસ ફેમિલીની યાદીમાં બીજા સ્થાને આવી ગયા છે.

જિંદલ અને બજાજ પરિવારનું પ્રદર્શન

ભારતના ટોચના 300 બિઝનેસ ફેમિલી

હુરુનની રિપોર્ટ અનુસાર, ભારતના ટોચના 300 બિઝનેસ ફેમિલીની કુલ સંપત્તિ 140 લાખ કરોડ રૂપિયા (1.6 લાખ કરોડ ડોલર)થી વધુ છે, જે દેશના GDPના 40% જેટલી છે. આ ફેમિલીએ ગયા વર્ષે દરરોજ સરેરાશ 7100 કરોડ રૂપિયાની સંપત્તિ બનાવી. એક અબજ ડોલરથી વધુ સંપત્તિ ધરાવતા પરિવારોની સંખ્યા 37 વધીને 161 થઈ છે.

મુંબઈનું વર્ચસ્વ

મુંબઈમાંથી 91, રાષ્ટ્રીય રાજધાની ક્ષેત્રમાંથી 62 અને કોલકાતામાંથી 25 બિઝનેસ ફેમિલી આ લિસ્ટમાં સામેલ છે. રસપ્રદ વાત એ છે કે લિસ્ટમાં સામેલ ચોથા ભાગના બિઝનેસ શેર બજારમાં લિસ્ટેડ નથી. 89% બિઝનેસ ભૌતિક ઉત્પાદનોનું વેચાણ કરે છે, જ્યારે 11% સેવાઓ પૂરી પાડે છે.

ભવિષ્યની યોજનાઓ અને પડકારો

રિપોર્ટમાં અંદાજવામાં આવ્યું છે કે આગામી 5 વર્ષમાં 130 લાખ કરોડ રૂપિયાની સંપત્તિ આગલી પેઢીને ટ્રાન્સફર થશે. ટોચના પરિવારોએ ગયા વર્ષે 5100 કરોડ રૂપિયા દાનમાં આપ્યા હતા. જોકે, અમેરિકાના ટેરિફ વધારાને કારણે 120થી વધુ બિઝનેસ ફેમિલીના નિકાસ પર આગામી 12 મહિનામાં અસર પડી શકે છે.

આ પણ વાંચો-Commonwealth Games 2030: અમદાવાદ 2030 કોમનવેલ્થ ગેમ્સનું યજમાન બનવા તરફ: ભારતની બોલીને IOAની મંજૂરી