Hero MotoCorp: હીરો મોટોકોર્પ યુરોપમાં વિસ્તરશે, ઇલેક્ટ્રિક મોબિલિટી અને ઇનોવેશન પર ફોકસ

Hero MotoCorp: હીરો મોટોકોર્પ, ભારતની અગ્રણી ટૂ-વ્હીલર કંપની, હવે યુરોપના બજારોમાં પોતાની હાજરી વધારવા માટે તૈયાર છે. કંપનીના ચેરમેન પવન મુંજાલે જણાવ્યું કે, 2025-26ની બીજી ત્રિમાસિક ગાળામાં જર્મની, ફ્રાન્સ, સ્પેન અને યુકેમાં વિસ્તરણની યોજના તૈયાર છે. આ ઉપરાંત, કંપની ઇલેક્ટ્રિક મોબિલિટી અને ઇનોવેશન પર ધ્યાન કેન્દ્રિત કરી રહી છે.

ઇલેક્ટ્રિક મોબિલિટીમાં મજબૂત નેતૃત્વ

પવન મુંજાલે કંપનીની 2024-25ની એન્યુઅલ રિપોર્ટમાં શેરહોલ્ડર્સને સંબોધતા જણાવ્યું કે, “અમે ઇલેક્ટ્રિક મોબિલિટીમાં નેતૃત્વ મજબૂત કર્યું છે અને વૈશ્વિક સ્તરે વિસ્તરણનો રોડમેપ તૈયાર કર્યો છે.” કંપનીએ 2024-25માં દક્ષિણ એશિયાથી લેટિન અમેરિકા સુધીના આંતરરાષ્ટ્રીય બજારોમાં 43%નો વાર્ષિક વિકાસ હાંસલ કર્યો છે.

VIDA બ્રાન્ડની 200% ગ્રોથ

ઇલેક્ટ્રિક થ્રી-વ્હીલરમાં પણ હાજરી

યૂલર મોટર્સમાં 510 કરોડ રૂપિયાના રોકાણ સાથે, હીરો મોટોકોર્પ ઇલેક્ટ્રિક થ્રી-વ્હીલર સેગમેન્ટમાં પણ પોતાની હાજરી મજબૂત કરી રહી છે. મુંજાલે કહ્યું, “ભારતમાં મોબિલિટીનું ભવિષ્ય ઇલેક્ટ્રિક, સમાવેશી અને ઇનોવેશન-આધારિત હશે, અને હીરો આ બદલાવનું નેતૃત્વ કરવા માટે ગર્વ અનુભવે છે.”

સ્ટાર્ટઅપ્સને સપોર્ટ

હીરો મોટોકોર્પની “હીરો ફોર સ્ટાર્ટઅપ્સ” પહેલ નેક્સ્ટ જનરેશનના ઉદ્યોગસાહસિકોને સલાહ, R&D એક્સેસ અને બજાર સુધી પહોંચવાની તકો પૂરી પાડે છે. સાથે કંપનીના એક્ઝિક્યુટિવ ડિરેક્ટર અને એક્ટિંગ CEO વિક્રમ એસ. કાસબેકરે જણાવ્યું કે, “વિત્ત વર્ષ 2025-26 ઝડપી વૃદ્ધિનું વર્ષ હશે.” હીરો મોટોકોર્પ ગ્રાહક અનુભવ, ગુણવત્તા અને સ્કેલ પર ધ્યાન કેન્દ્રિત કરીને વૈશ્વિક બજારોમાં પોતાનું સ્થાન મજબૂત કરશે.

આ પણ વાંચો-સમોસા અને જલેબી: સ્વાદની સાથે સ્વાસ્થ્યને નુકસાન, જાણો કેવી રીતે!