'ડ્રેગન-એલિફન્ટ ટેંગો'થી સંબંધોમાં આવશે મીઠાશ! જિનપિંગે પીએમ મોદી સાથે 'લાંબા ગાળાના' સહયોગની કરી વાત

Dragon-Elephant Tango: ચીનના તિયાનજિનમાં રવિવારે ભારતના વડાપ્રધાન નરેન્દ્ર મોદી અને ચીનના રાષ્ટ્રપતિ શી જિનપિંગ વચ્ચે એક મહત્વની મુલાકાત યોજાઈ. આ મુલાકાત એવા સમયે થઈ જ્યારે વર્ષ 2020ની ગલવાન ઘાટીની ઘટના બાદ બંને દેશોના સંબંધોમાં તણાવ જોવા મળ્યો હતો. આ બેઠક ખાસ કરીને એટલે પણ મહત્વની છે કે બંને દેશો અમેરિકા સાથે ચાલી રહેલા ટ્રેડ વોરનો સામનો કરી રહ્યા છે.

‘ડ્રેગન-એલિફન્ટ ટેંગો’નું વિઝન

શી જિનપિંગે ભારત-ચીન સંબંધોને ‘ડ્રેગન-એલિફન્ટ ટેંગો’નું નામ આપીને એક નવો દ્રષ્ટિકોણ રજૂ કર્યો. તેમણે કહ્યું કે ચીનનું ડ્રેગન અને ભારતનો હાથી મળીને એક સુરેખ નૃત્ય કરે તેવી રીતે સહયોગ કરવો જોઈએ. તેમના મતે બંને દેશોએ ‘સારા પડોશી’ તરીકે રહેવું જરૂરી છે. શીએ ઉમેર્યું કે વિશ્વમાં મોટા ફેરફારો થઈ રહ્યા છે અને ભારત-ચીન જેવા સૌથી વધુ વસ્તી ધરાવતા અને સભ્ય દેશો માટે એકબીજાના મિત્ર બનીને શાંતિ અને સમૃદ્ધિ માટે કામ કરવું જરૂરી છે.

લાંબા ગાળાના સહયોગ પર ભાર

પીએમ મોદીની સ્પષ્ટ વાત

પીએમ મોદીએ મુલાકાત દરમિયાન સીમા વ્યવસ્થાપન બંને દેશો વચ્ચે ફ્લાઈટ્સ ફરી શરૂ કરવા અને કૈલાસ માનસરોવર યાત્રા જેવા મુદ્દાઓ ઉઠાવ્યા. તેમણે સ્પષ્ટ કર્યું કે ભારત પરસ્પર વિશ્વાસ અને સન્માનના આધારે સંબંધોને આગળ વધારવા માંગે છે. આ ચર્ચાઓ દર્શાવે છે કે ભારત સંબંધોને સામાન્ય બનાવવા માટે નક્કર પગલાં લેવા તૈયાર છે.

આગળનો રસ્તો

આ મુલાકાત બંને દેશોના સંબંધોને ફરીથી પાટે ચડાવવાની દિશામાં એક સકારાત્મક પગલું છે. બંને નેતાઓની વચ્ચે થયેલી આ ચર્ચા એક નવી શરૂઆતનો સંદેશ આપે છે, જેમાં સહયોગ અને પરસ્પર લાભની ભાવના સ્પષ્ટ જોવા મળે છે.

આ પણ વાંચો- ટ્રમ્પ ભારતથી આટલા કેમ નારાજ? ટેરિફ બાદ હવે તેમની દિલ્હી મુલાકાત પણ રદ, ક્વાડ સમિટમાંનહીં આપે હાજરી