સુપ્રીમ કોર્ટનો કૂતરાંને ખોરાક આપવા અંગે મોટો નિર્ણય: ડૉગ લવર્સ માટે નવા નિયમો

સુપ્રીમ કોર્ટે દિલ્હી-એનસીઆરમાં લાવારિસ કૂતરાંને લગતા મહત્વના નિર્ણયમાં રાહત આપી છે. કોર્ટે 11 ઓગસ્ટના આદેશમાં સુધારો કરતાં જણાવ્યું કે, બધા જ કૂતરાંને શેલ્ટર હોમમાં રાખવામાં નહીં આવે. તેના બદલે, વેક્સિનેશન અને કૃમિનાશક દવા આપ્યા બાદ તેમને તેમના મૂળ સ્થળે છોડવામાં આવશે. જોકે, રેબીઝથી પીડિત અથવા અત્યંત આક્રમક કૂતરાંને શેલ્ટર હોમમાં રાખવાની છૂટ આપવામાં આવી છે.

જાહેર સ્થળે ખોરાક આપવા પર પ્રતિબંધ

જસ્ટિસ વિક્રમ નાથ, સંદીપ મહેતા અને એન.વી. અંજારિયાની બેન્ચે સ્પષ્ટ કર્યું કે, જાહેર સ્થળોએ કૂતરાંને ખોરાક આપવા પર સંપૂર્ણ પ્રતિબંધ રહેશે. કોર્ટે જણાવ્યું, "જાહેર સ્થળોએ કૂતરાંને ખોરાક આપવાની મંજૂરી નહીં હોય. લાવારિસ કૂતરાં માટે અલગ ફીડિંગ સેન્ટર બનાવવામાં આવે." આવા સેન્ટર નગર નિગમ દ્વારા નક્કી કરવામાં આવશે, જ્યાં ડૉગ લવર્સ કૂતરાંને ખોરાક આપી શકશે. જો કોઈ વ્યક્તિ જાહેર સ્થળે ખોરાક આપતા પકડાશે, તો તેની સામે કાયદેસરની કાર્યવાહી થશે.

નગર નિગમને મહત્વની જવાબદારી

પશુ પ્રેમીઓ માટે નવી ગાઈડલાઈન્સ

કોર્ટે પશુ પ્રેમીઓને પણ કેટલીક જવાબદારીઓ સોંપી છે. દરેક એનજીઓ અથવા પશુ પ્રેમીએ 25,000 રૂપિયાનું ચૂકવણું કરવું પડશે. આ ઉપરાંત, જો કોઈ પશુ પ્રેમી કૂતરાંને દત્તક લેવા ઈચ્છે, તો તે નગર નિગમમાં અરજી કરી શકે છે.

શું છે આ નિર્ણયનો હેતુ?

આ નિર્ણયનો મુખ્ય ઉદ્દેશ્ય લાવારિસ કૂતરાંની વસ્તીને નિયંત્રિત કરવી અને જાહેર સલામતી સુનિશ્ચિત કરવી છે. રેબીઝ જેવા રોગોના ફેલાવાને રોકવા અને આક્રમક કૂતરાંથી લોકોને બચાવવા માટે આ પગલાં લેવામાં આવ્યા છે. આ નિર્ણય ડૉગ લવર્સ અને સ્થાનિક વહીવટ માટે એક સંતુલિત અભિગમ દર્શાવે છે, જેમાં પશુ કલ્યાણ અને જાહેર સુરક્ષા બંનેનું ધ્યાન રાખવામાં આવ્યું છે.

આ પણ વાંચો- યુક્રેનથી પશ્ચિમ એશિયા: PM મોદી અને મેક્રોંની ફોન પર શાંતિ સ્થાપવાની ચર્ચા