ટ્રમ્પ-ઝેલેન્સ્કી મુલાકાત: રશિયા-યુક્રેન યુદ્ધ ખતમ થવાની શક્યતાઓ

Trump-Zelenskyy meeting: વોશિંગ્ટનમાં અમેરિકાના રાષ્ટ્રપતિ ડોનાલ્ડ ટ્રમ્પ અને યુક્રેનના રાષ્ટ્રપતિ વોલોડિમિર ઝેલેન્સ્કી વચ્ચે વ્હાઇટ હાઉસમાં મહત્વની બેઠક યોજાઈ. આ બેઠકનો મુખ્ય હેતુ રશિયા-યુક્રેન યુદ્ધને ખતમ કરવા માટે શાંતિનો રસ્તો શોધવાનો છે. ઝેલેન્સ્કીએ યુરોપના મોટા નેતાઓને સાથે લઈને આ બેઠકમાં એકજૂથતા દર્શાવી.

ટ્રમ્પે જણાવ્યું કે, "આજની બેઠકથી શાંતિનો માર્ગ ખુલી શકે છે. અમે બધા શાંતિ માટે એકસાથે કામ કરી રહ્યા છીએ. આ યુદ્ધનો કાયમી ઉકેલ લાવશે અને સીઝફાયરથી જીવનનું નુકસાન અટકશે." ટ્રમ્પે એમ પણ કહ્યું કે તેઓ ઝેલેન્સ્કી અને યુરોપિયન નેતાઓ સાથેની આ બેઠક બાદ રશિયાના રાષ્ટ્રપતિ વ્લાદિમિર પુતિન સાથે વાતચીત કરશે.

ઝેલેન્સ્કીની તૈયારી: પુતિન સાથે વાતચીત અને ચૂંટણી

ઝેલેન્સ્કીએ બેઠક દરમિયાન જણાવ્યું કે તેઓ પુતિન સાથે વાતચીત માટે તૈયાર છે. તેમણે એમ પણ કહ્યું કે યુક્રેનમાં ચૂંટણી કરાવવા માટે પણ તેઓ તૈયાર છે, પરંતુ તેના માટે સુરક્ષિત વાતાવરણ જરૂરી છે. ઝેલેન્સ્કીએ કહ્યું, "હા, હું ચૂંટણી કરાવવા માટે તૈયાર છું, પરંતુ અમને સુરક્ષાની જરૂર છે."

ટ્રમ્પે વધુમાં જણાવ્યું, "આ યુદ્ધ ખતમ થવાનું છે. ઝેલેન્સ્કી અને પુતિન બંને આ યુદ્ધને અટકાવવા માગે છે. આખી દુનિયા આ યુદ્ધથી કંટાળી ગઈ છે. અમે 6 યુદ્ધો ખતમ કર્યા છે, અને હું માનું છું કે આ યુદ્ધ પણ ખતમ થશે." ટ્રમ્પે એમ પણ કહ્યું કે આ યુદ્ધ સરળ નથી, પરંતુ તેઓને વિશ્વાસ છે કે શાંતિ સ્થાપિત થશે.

#WATCH | Washington, DC | US President Donald Trump says, "We are going to work with Ukraine, we are going to work with everybody. We are going to make sure that if there is peace, peace is going to stay long term. This is very long-term. We are not talking about a two-year peace… pic.twitter.com/NLmJn0USvU

— ANI (@ANI) August 18, 2025

યુરોપના નેતાઓની હાજરી

આ બેઠકમાં બ્રિટનના વડાપ્રધાન કિયર સ્ટાર્મર, ફ્રાન્સના રાષ્ટ્રપતિ ઇમેન્યુઅલ મેક્રોન, જર્મનીના ચાન્સેલર ફ્રેડરિક મર્ઝ, ઇટલીના વડાપ્રધાન જ્યોર્જિયા મેલોની, ફિનલેન્ડના રાષ્ટ્રપતિ એલેક્ઝાન્ડર સ્ટબ, નાટોના સેક્રેટરી જનરલ માર્ક રૂટ અને યુરોપિયન કમિશનના પ્રેસિડેન્ટ ઉર્સુલા વોન ડેર લેયેન પણ હાજર રહ્યા હતા.