India-Ukraine: ઝેલેન્સ્કીએ PM મોદીને કેમ કહ્યું ‘થેન્ક્યુ’? સાથે કહ્યું યુક્રેનને ભારત પર પુરો ભરોસો

Russia-Ukraine war: યુક્રેનના રાષ્ટ્રપતિ વોલોદિમિર ઝેલેન્સ્કીએ ભારતના વડાપ્રધાન નરેન્દ્ર મોદીને યુક્રેનના સ્વતંત્રતા દિવસ નિમિત્તે શુભેચ્છા પાઠવવા બદલ આભાર માન્યો છે. સોશિયલ મીડિયા પ્લેટફોર્મ X પર ઝેલેન્સ્કીએ લખ્યું, “PM મોદી, યુક્રેનના સ્વતંત્રતા દિવસની હાર્દિક શુભેચ્છાઓ માટે આભાર. અમે શાંતિ અને સંવાદ માટે ભારતના સમર્પણની પ્રશંસા કરીએ છીએ.”

યુદ્ધના અંત માટે ભારતની ભૂમિકા પર ભરોસો

ઝેલેન્સ્કીએ વધુમાં જણાવ્યું કે રશિયા-યુક્રેન યુદ્ધને શાંતિપૂર્ણ રીતે સમાપ્ત કરવામાં ભારતના યોગદાન પર યુક્રેન ભરોસો રાખે છે. તેમણે લખ્યું, “આ ભયંકર યુદ્ધને ગૌરવ અને શાંતિ સાથે સમાપ્ત કરવા વિશ્વના પ્રયાસોમાં ભારતની ભૂમિકા મહત્વપૂર્ણ છે. ડિપ્લોમસીને મજબૂત કરતો દરેક નિર્ણય યુરોપ, હિંદ-પ્રશાંત અને વૈશ્વિક સ્તરે સુરક્ષા વધારશે.”

ટ્રમ્પના ટેરિફનો મુદ્દો

PM મોદીનો પત્ર અને કીવની યાત્રાનો ઉલ્લેખ

ઝેલેન્સ્કીએ PM મોદી તરફથી મળેલા એક પત્રનો પણ X પર ઉલ્લેખ કર્યો, જેમાં મોદીએ ભારતના સ્વતંત્રતા દિવસની શુભેચ્છાઓ માટે આભાર માન્યો હતો. મોદીએ પોતાના પત્રમાં યુક્રેનના લોકોને તેમના સ્વતંત્રતા દિવસની શુભકામનાઓ પાઠવી હતી અને ગયા વર્ષે કીવની તેમની યાત્રાને યાદ કરી હતી.

Thank you, Prime Minister @narendramodi, for the warm greetings on Ukraine’s Independence Day. We appreciate India’s dedication to peace and dialogue. Now, as the entire world strives to end this horrible war with dignity and lasting peace, we count on India’s contribution. Every… pic.twitter.com/FtwkXUhtEH

— Volodymyr Zelenskyy / Володимир Зеленський (@ZelenskyyUa) August 25, 2025

શાંતિ માટે ભારતનું સમર્પણ

ઝેલેન્સ્કીના નિવેદનથી સ્પષ્ટ થાય છે કે યુક્રેન ભારતની ડિપ્લોમેટિક ભૂમિકાને મહત્વ આપે છે. ભારતે હંમેશા શાંતિ અને સંવાદની હિમાયત કરી છે, અને આ ઘટના એ વાતનો પુરાવો છે કે ભારતની વૈશ્વિક સ્તરે ભૂમિકા વધુ મજબૂત થઈ રહી છે.

આ પણ વાંચો-‘અમે શાંતિ ઇચ્છીએ છીએ પણ યુદ્ધ માટે પણ તૈયાર’, CDS અનિલ ચૌહાણે કહ્યું- ઓપરેશન સિંદૂર હજુ યથાવત્