દિલ્હી હિંસા મામલે વિપક્ષનો વિરોધ

દિલ્હીમાં થયેલી હિંસામાં અત્યાર સુધીમાં 46 લોકોના મોત થઇ ચૂક્યા છે. દિલ્હીમાં હજૂ પણ લોકોમાં હિંસાનો ભય જોવા મળી રહ્યો છે. પરંતુ રાજકીય પક્ષો આ મામલે પોતાની જ રમત રમી રહ્યાં છે. આજે સંસદ પરિષદથી લઇને સંસદની અંદર સુધી વિપક્ષે દિલ્હી હિંસાનો વિરોધ કર્યો છે. આજે સંસદના બજેટ સત્રનો બીજા તબક્કો હોબાળા સાથે શરૂ થયો. આમ આદમી પાર્ટી અને TMCના સાંસદોમાં દિલ્હી હિંસાના વિરોધમાં સંસદ પરિષદમાં પ્રદર્શન કર્યું.

TMC સાંસદોએ મોઢા પર કાળી પટ્ટી બાંધીને હિંસાનો વિરોધ કર્યો. તો આમ આદમી પાર્ટીના સાંસદોએ દિલ્હી હિંસા માટે ગૃહમંત્રીને જવાબદાર ગણાવ્યા. ત્યાં જ કોંગ્રેસના સાસંદોએ પણ વિરોધમાં નારાબાજી કરી. કોંગ્રેસના આ વિરોધમાં રાહુલ ગાંધી પણ સામેલ થયા હતા. સદનની અંદર પણ દિલ્હી હિંસાને લઇને થયેલા હોબાળાના કારણે સંસદની કાર્યવાહીને સ્થગિત કરવી પડી.