કોંગ્રેસના 7 સાંસદો સંસદથી સસ્પેન્ડ

લોકસભામાં દિલ્હી હિંસા પર હોબાળા બાદ કોંગ્રેસના સાંસદો પર કડક કાર્યવાહી કરવામાં આવી છે. સ્પીકરે કોંગ્રેસના 7 સાંસદોને હાલના બજેટ સત્રથી સસ્પેન્ડ કરી દીધા છે. આ સાંસદોમાં ગૌરવ ગોગોઇ, ટી એન પ્રતાપન, ગુરજીત સિંહ સહિત 7 સાંસદ છે જેમણે આ આખા સત્ર માટે સસ્પેન્ડ કરવામાં આવ્યા છે.

દિલ્હી હિંસા બાદ સોમવારથી શરૂ થયેલા બજેટ સત્રના બીજા ભાગમાં કોંગ્રેસના સાંસદ સતત દિલ્હી હિંસા પર ચર્ચા અને ગૃહ મંત્રી અમિત શાહના રાજીનામાની માગ પર અડેલા હતા.. છેલ્લા ચાર દિવસથી થઇ રહેલા હોબાળાના કારણે સંસદની કાર્યવાહી ઠપ પડી છે.