Asaduddin Owaisi: ‘બાબરી મસ્જિદ ઝિંદાબાદ', અસદુદ્દીન ઓવૈસીએ સંસદમાં નારા લગાવ્યા, જાણો રામ મંદિર પર શું કહ્યું?

Asaduddin Owaisi: ઓલ ઈન્ડિયા મજલિસ ઈત્તેહાદુલ મુસલમીન (AIMIM)ના ચીફ અસદુદ્દીન ઓવૈસીએ લોકસભામાં ભાવનાત્મક ભાષણ આપ્યું હતું. આ દરમિયાન તેમણે કહ્યું કે અયોધ્યામાં રામ મંદિરના સ્થળે બાબરી મસ્જિદ હંમેશા હાજર રહેશે. ઓવૈસીએ 'બાબરી મસ્જિદ ઝિંદાબાદ' ના નારા સાથે પોતાનું સંબોધન પૂર્ણ કર્યું. વાસ્તવમાં આજે સંસદમાં બજેટ સત્રનો છેલ્લો દિવસ હતો. શનિવારે ગૃહમાં રામ મંદિર નિર્માણ માટે આભાર પ્રસ્તાવ પર ચર્ચા થઈ હતી. આ અંગે પોતાના વિચારો વ્યક્ત કરતા ઓવૈસીએ લોકસભામાં બે વખત બાબરી મસ્જિદ ઝિંદાબાદના નારા લગાવ્યા હતા. તેમણે સવાલ પૂછ્યો કે શું મોદી સરકાર માત્ર એક જ ધર્મની સરકાર છે? કે પછી આખા દેશના ધર્મોમાં માનનારી સરકાર છે?

અસદુદ્દીન ઓવૈસીએ કહ્યું, ‘હું માનું છું કે મસ્જિદ હજુ પણ અસ્તિત્વમાં છે અને તે જ જગ્યાએ રહેશે જ્યાં તે હતી. બાબરી મસ્જિદ હતી, છે અને રહેશે. બાબરી મસ્જિદ જિંદાબાદ, ભારત જિંદાબાદ, જય હિંદ. તેમણે એક્સ એકાઉન્ટ પર પોતાના ભાષણની વીડિયો ક્લિપ પણ પોસ્ટ કરી છે. ઓવૈસીએ આરોપ લગાવ્યો કે ભાજપ સરકારે એવી છાપ ઊભી કરી છે કે એક ધર્મ બીજા પર વિજય મેળવ્યો છે. તેમણે કહ્યું, ‘હું પૂછવા માંગુ છું કે શું મોદી સરકાર કોઈ ખાસ સમુદાય કે ધર્મની સરકાર છે? કે આખા દેશની સરકાર છે? શું ભારત સરકારનો પણ કોઈ ધર્મ છે?

AIMIM ચીફે કહ્યું, 'હું હંમેશા માનતો આવ્યો છું કે આ દેશનો કોઈ ધર્મ નથી. શું આ સરકારનો કોઈ ધર્મ છે? શું તમે 22 જાન્યુઆરીની ઘટના દ્વારા એ મેસેજ આપવા માંગો છો કે એક ધર્મે બીજા ધર્મ પર વિજય મેળવ્યો છે? તેણે કહ્યું કે તે ભગવાન રામનું સન્માન કરે છે, પરંતુ નાથુરામ ગોડસેને નફરત કરે છે જેમણે મહાત્મા ગાંધીની હત્યા કરી હતી. ઓવૈસીએ કહ્યું, ‘દેશમાં 17 કરોડ મુસ્લિમ છે અને તમે તેમને શું સંદેશ આપી રહ્યા છો? શું હું બાબર, ઝીણા કે ઔરંગઝેબનો પ્રવક્તા છું? હું નાથુરામ ગોડસેને નફરત કરું છું કારણ કે તેણે તે વ્યક્તિની હત્યા કરી હતી જેના છેલ્લા શબ્દો 'હે રામ' હતા. તેમણે કહ્યું કે 6 ડિસેમ્બરે જે પણ થયું, મોદી સરકારે ઉજવણી કરી. તમે જાણો છો કે 6 ડિસેમ્બર, 1992ના રોજ રાઇટવિંગ કાર્યકર્તાઓએ બાબરી મસ્જિદને તોડી પાડી હતી.

આ પણ વાંચો - RBI: રિઝર્વ બેન્કની કાર્યવાહી, ત્રણ NBFCના રજિસ્ટ્રેશન સર્ટિફિકેટ રદ્દ, ઘણાએ લાયસન્સ કર્યા સરન્ડર