Congress MLA CJ Chavda Resigns : ગુજરાત કોંગ્રેસને વધુ એક મોટો ઝટકો, લોકસભા ચૂંટણી પહેલા ડૉ. સી.જે.ચાવડાએ આપ્યું રાજીનામું

Congress MLA CJ Chavda Resigns : ચૂંટણી આવે એટલે કોંગ્રેસની મુશ્કેલીમાં વધારો થતો દેખાતો હોય છે. લોકસભા ચૂંટણી પહેલા જ ગુજરાત કોંગ્રેસને એક પછી એક ફટકો પડ્યો છે. ગુજરાત કોંગ્રેસના વધુ એક સિનિયર ધારાસભ્યએ આજે રાજીનામું આપ્યું છે. વીજાપુરના કોંગ્રેસના ધારાસભ્ય સીજે ચાવડાએ રાજીનામું આપ્યું છે. ત્યારે સીજે ચાવડા ગમે ત્યારે કેસરિયા કરશે.

કોંગ્રેસમાં વધુ વિકેટ પડે તેવી શક્યતા

ચૂંટણી પહેલા કોંગ્રેસની તાકાતમાં ઘટાડો

ભાજપે છેલ્લા કેટલાક સમયથી પોતાના નેતાઓને કોંગ્રેસ તેમજ આપમાંથી ધારાસભ્યો તેમજ નેતાઓને ખેરવવાનો ટાસ્ક આપ્યો છે. લોકસભાની ચૂંટણી પહેલા જ ભાજપ કોંગ્રેસનું બળ તોડવા માંગે છે. ત્યારે ફરી એકવાર ચૂંટણી પહેલા પક્ષપલટાની મોસમ શરૂ થઈ ગઈ છે. ભાજપે છેલ્લા કેટલાક સમયથી પોતાના નેતાઓને કોંગ્રેસમાં કાણું પાડવાનું કામ સોંપ્યું છે. આ માટે ભાજપે પોતાના પ્રદેશ ઉપાધ્યક્ષ ભરત બોઘરા સહિત છ નેતાઓને ટાસ્ક આપ્યો છે.

આ પણ વાંચો - Ayodhya Ram Mandir: જૂના રામલલાની મૂર્તિના દર્શન કરવાનો આજે છેલ્લો દિવસ, પ્રાણ પ્રતિષ્ઠાને લઇ રામમય થયું અયોધ્યા

જોકે, હજી પણ પક્ષપલટાના લિસ્ટમાં બીજા નામ પણ હોવાનું કહેવાય છે. અર્જુન મોઢવાડિયા સહિત અન્ય કોંગ્રેસી નેતાઓને ભાજપમાં લાવવાનો પ્રયાસ ચાલી રહ્યો છે.