Congress rally: કોંગ્રેસ અધ્યક્ષ ખડગેએ પાર્ટીના બૂથ એજન્ટની સરખામણી 'કૂતરા' સાથે કરી, ભાજપે ગણાવ્યું શરમજનક

Congress rally: કોંગ્રેસે દિલ્હીના રામલીલા મેદાનમાં ન્યાય સંકલ્પ રેલીનું આયોજન કર્યું છે. આ રેલીમાં બૂથ લેવલના કાર્યકરોથી લઈને કોંગ્રેસના વરિષ્ઠ નેતાઓએ ભાગ લીધો હતો. કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેએ કાર્યકર્તાઓને સંબોધિત કરતા કેન્દ્ર સરકાર પર આકરા પ્રહારો કર્યા છે. તેમણે કહ્યું કે મોદીએ બધાને બરબાદ કરી દીધા છે. આ સાથે તેમણે કહ્યું કે જેમ કૂતરો ખરીદતી વખતે તે યોગ્ય રીતે ભસે છે કે નહીં તેની તપાસ કરવામાં આવે છે તેવી જ રીતે ભસનારા કાર્યકરોને બૂથનું કામ સોંપવું જોઈએ.

રાહુલ ગાંધી બંધારણ માટે લડી રહ્યા છેઃ ખડગે

'પલ્ટુ રામ પલ્ટુ કુમાર બન્યા'

બિહારના મુખ્યમંત્રી નીતિશ કુમાર પર નિશાન સાધતા ખડગેએ કહ્યું કે બિહારમાં પણ આવું જ થયું છે. પહેલા બંને એકબીજાને કોસતા હતા, તેઓ (નીતીશ કુમાર) સમાજવાદ વિશે ઘણી વાતો કરતા હતા, પરંતુ તેમણે પલટી મારી છે. હવે તેઓ પલ્ટુ રામથી બદલાઈને પલ્ટુ કુમાર બની ગયા છે અને પીએમ મોદીને પણ આ જ આદત છે. તેઓ વાત કરતા નથી, પરંતુ અંદરથી મારી નાખે છે.

PM મોદી પર પ્રહાર

ખડગેએ ન્યાય સંકલ્પ રેલીમાં વધુમાં કહ્યું કે, સબકા સાથ સબકા વિકાસ માત્ર પીએમ મોદીનું સૂત્ર છે, પરંતુ તેમણે બધાને બરબાદ કરી દીધા છે.

કોંગ્રેસ અધ્યક્ષ ખડગેએ એમ પણ કહ્યું કે જેમ કૂતરો ખરીદતી વખતે તપાસ કરો છો કે તે બરાબર ભસે છે કે નહીં, તેવી જ રીતે બૂથનું કામ ભસતા કાર્યકરોને સોંપવું જોઈએ.

ખડગેનું નિવેદન શરમજનક છેઃ અમિત માલવિયા

તે જ સમયે, આ મામલે બીજેપી આઈટી સેલના પ્રભારી અમિત માલવિયાએ ખડગેના નિવેદનને શરમજનક ગણાવ્યું છે. તેમણે કોંગ્રેસના રાષ્ટ્રીય અધ્યક્ષનો વિડિયો તેમના સોશિયલ મીડિયા હેન્ડલ પર શેર કર્યો છે.

આ પણ  વાંચો-Benefits of Rice: બ્રાઉન, બ્લેક, વ્હાઇટ કે રેડ રાઇસ, જાણો આમાંથી કયા રાઇસ સ્વાસ્થ્ય માટે છે સૌથી વધુ ફાયદાકારક