દેશમાં જ્યારે પણ ચૂંટણીની તારીખ નજીક આવે છે. કોંગ્રેસ પાર્ટીના કેટલાક નેતા પીએમ નરેન્દ્ર મોદી વિરુદ્ધ હંમેશા વિવાદાસ્પદ નિવેદન આપે છે. આ પહેલા પીએમ મોદી વિરુદ્ધ ચા વેચનાર અને ખૂની જેવા શબ્દોનો ઉપયોગ કરવામાં આવ્યો છે. આ સંદર્ભમાં મહારાષ્ટ્રમાં 20મી નવેમ્બરે મતદાન થવાનું છે. બીજી તરફ કોંગ્રેસ પાર્ટીના રાષ્ટ્રીય અધ્યક્ષ મલ્લિકાર્જુન ખડગેએ પીએમ નરેન્દ્ર મોદી વિરુદ્ધ વિવાદાસ્પદ નિવેદન આપ્યું છે. મહાવિકાસ આઘાડીએ મહારાષ્ટ્રના BKC મેદાનમાં સંયુક્ત રેલીને સંબોધી હતી. આ દરમિયાન મલ્લિકાર્જુન ખડગેએ પીએમ નરેન્દ્ર મોદી પર ખૂબ નિશાન સાધ્યું. તેમણે પીએમ નરેન્દ્ર મોદીની તુલના તૈમૂર લેંગ સાથે કરી હતી. ખડગેએ કહ્યું કે 400 પાર કરવાનો નારો આપનાર મોદી સરકાર જેડીયુ અને ટીડીપીની નાવ પર ટકેલી છે. આટલું જ નહીં, ખડગેએ પીએમ મોદીને જૂઠ્ઠાણાઓના નેતા કહ્યા અને મોદી સરકાર પર કૌભાંડોનો આરોપ પણ લગાવ્યો.
મલ્લિકાર્જુન ખડગેએ PM નરેન્દ્ર મોદી વિરુદ્ધ કરી વિવાદાસ્પદ ટિપ્પણી, કહી આ મોટી વાત
કોંગ્રેસ પાર્ટીના રાષ્ટ્રીય અધ્યક્ષ મલ્લિકાર્જુન ખડગેએ પીએમ નરેન્દ્ર મોદી વિરુદ્ધ વિવાદાસ્પદ ટિપ્પણી કરી છે. જણાવી દઈએ કે મહારાષ્ટ્ર ચૂંટણીને ધ્યાનમાં રાખીને મહાવિકાસ આઘાડીએ BKC મેદાનમાં સંયુક્ત રીતે સભાને સંબોધી હતી. આ દરમિયાન મલ્લિકાર્જુન ખડગેએ પીએન મોદી પર નિશાન સાધ્યું હતું.
મલ્લિકાર્જુન ખડગેએ પીએમ મોદી પર વિવાદાસ્પદ ટિપ્પણી કરી
મલ્લિકાર્જુન ખડગેએ કહ્યું, "મોદી જૂઠાણાના નેતા છે. મોદી સાહેબ, તમે 10 વર્ષમાં આટલી ગેરંટી આપી હતી, શું તમે તેને પૂરી કરી? તમે 15 લાખ રૂપિયાની ગેરંટી આપી હતી, તે જૂઠું નીકળ્યું. તેમણે કહ્યું. કે મોદી જૂઠ્ઠાણાના નેતા છે, તે લોકોના હિતમાં નથી, તેઓએ અદાણી અને અંબાણીને ગેરંટી આપી છે, તેઓ મુંબઈના લોકોના કલ્યાણ માટે કંઈ કરી રહ્યા નથી.
કિરણ રિજિજુએ વળતો પ્રહાર કર્યો
મલ્લિકાર્જુન ખડગેએ કહ્યું કે તેઓ (નરેન્દ્ર મોદી) માત્ર વાત કરવાનું જાણે છે, તેમને કામ કરવાનું નથી આવડતું. ભાજપ બધું વેચી રહી છે. અદાણીના પોર્ટ પરથી નશીલા પદાર્થો ઝડપાઈ રહ્યા છે. આપણે આ બંધ કરવું જોઈએ, નહીં તો પંજાબ-હરિયાણામાં શું થઈ રહ્યું છે. તે અહીં પણ થઈ શકે છે. ચોરોનું સમર્થન કરનારા મોદી શાહને પાઠ ભણાવવો પડશે. ચોરોને ભગાડો અને ચાર્જશીટ દાખલ કરો અને તેમને જેલમાં ધકેલી દો. ભાજપ સરકાર બધુ વેચી રહી છે. ફેક્ટરીઓ, જાહેર ક્ષેત્ર, એરપોર્ટ, બંદરો વેચાઈ રહ્યા છે. આ દરમિયાન મલ્લિકાર્જન ખડગેએ પણ પીએમ નરેન્દ્ર મોદીની તુલના તૈમૂર લેંગ સાથે કરી હતી. તેના પર બીજેપી નેતા કિરેન રિજિજુએ નિવેદન આપતા કહ્યું કે, "નરેન્દ્ર મોદીનું વિદેશમાં સન્માન કરવામાં આવે છે. ડોનાલ્ડ ટ્રમ્પે પીએમ મોદીને ફોન કર્યો. વડાપ્રધાન વિશે આવા શબ્દોનો ઉપયોગ ન કરવો જોઈએ.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
