Vote theft Rahul Gandhi: વોટ ચોરીના વિરોધમાં વિપક્ષનું મેગા માર્ચ: રાહુલ ગાંધીની આગેવાનીમાં EC તરફ કૂચ

Election Commission India Alliance: વિપક્ષી દળોના ગઠબંધન ઇન્ડિયા અલાયન્સે ચૂંટણીમાં ધાંધલી, SIRમાં ગડબડ અને વોટ ચોરીના કથિત આરોપોના વિરોધમાં દિલ્હીમાં મેગા માર્ચ શરૂ કર્યું છે. આ માર્ચની આગેવાની લોકસભામાં વિપક્ષના નેતા રાહુલ ગાંધી કરી રહ્યા છે. 25 વિપક્ષી દળોના સાંસદો સંસદ ભવનથી ચૂંટણી આયોગ (EC) સુધી એક કિલોમીટરનું પગપાળું માર્ચ કરી રહ્યા છે. માર્ચ દરમિયાન સાંસદો ‘ચોર-ચોર’ના નારા લગાવી રહ્યા છે.

દિલ્હી પોલીસે માર્ચના રૂટ પર કડક સુરક્ષા વ્યવસ્થા ગોઠવી છે અને સાત સ્થળોએ બેરિકેડિંગ કર્યું છે. જોકે, આ માર્ચ માટે વિપક્ષે પોલીસ પાસેથી કોઈ પરવાનગી લીધી નથી. માર્ચમાં રાહુલ ગાંધી ઉપરાંત કોંગ્રેસ સાંસદ પ્રિયંકા ગાંધી, સમાજવાદી પાર્ટીના અધ્યક્ષ અખિલેશ યાદવ અને શિવસેનાના નેતા સંજય રાઉત પણ જોડાયા છે. અખિલેશ યાદવને બેરિકેડિંગ પરથી કૂદીને આગળ વધતા જોવા મળ્યા હતા.

રાહુલ ગાંધીના આરોપો

ચૂંટણી આયોગ સાથે બેઠક

ચૂંટણી આયોગે કોંગ્રેસ સાંસદ જયરામ રમેશને પત્ર લખીને આજે બપોરે 12 વાગ્યે બેઠકનો સમય આપ્યો હતો. પત્રમાં જણાવાયું છે કે જગ્યા અને પાર્કિંગની મર્યાદાને કારણે માત્ર 30 લોકો જ બેઠકમાં હાજર રહી શકશે.

આ માર્ચ એ વિપક્ષનો પ્રથમ મોટું વિરોધ પ્રદર્શન છે, જે મતદાર યાદીમાં કથિત ધાંધલીના રાહુલ ગાંધીના ખુલાસા બાદ યોજાયું છે. આ ઘટના રાજકીય ગરમાવો વધારે તેવી શક્યતા છે.

આ પણ વાંચો- Air India Express: 1279 રૂપિયામાં હવાઈ સફર! એર ઇન્ડિયા એક્સપ્રેસની ફ્રીડમ સેલની ધમાકેદાર ઓફર