Telangana Assembly Election: તિરુપતિ બાલાજીના દરબારમાં PM મોદી, તિરુમાલા દેવસ્થાનમમાં કરી પૂજા લીધા ભગવાન વેંકટેશ્વરના આશીર્વાદ

Telangana Assembly Election: તેલંગાણામાં અનેક જાહેર સભાઓને સંબોધિત કર્યા બાદ રવિવારે સાંજે તિરુપતિ પહોંચેલા વડાપ્રધાન નરેન્દ્ર મોદીએ આજે ​​સવારે તિરુમાલામાં શ્રી વેંકટેશ્વર મંદિરની મુલાકાત લીધી હતી. વડાપ્રધાને અહીં સંપૂર્ણ ધાર્મિક વિધિઓ સાથે પ્રાર્થના કરી હતી. આ દરમિયાન પીએમ મોદી પરંપરાગત પૂજા પોશાકમાં જોવા મળ્યા હતા. પૂજા કર્યા પછી પીએમએ તેમના પર લખ્યું

વડાપ્રધાન રવિવારે સાંજે 7.40 કલાકે તિરુપતિ નજીક રેનીગુંટા એરપોર્ટ પર ઉતર્યા હતા. આંધ્રપ્રદેશના રાજ્યપાલ એસ અબ્દુલ નઝીર અને મુખ્યમંત્રી વાય એસ જગન મોહન રેડ્ડીએ વડાપ્રધાન મોદીનું એરપોર્ટ પર સ્વાગત કર્યું હતું.

મંદિરના દર્શન કર્યા બાદ વડાપ્રધાન બપોરે 12:45 કલાકે મહબૂબાબાદમાં જાહેર સભામાં ભાગ લેશે. મહબૂબાબાદમાં સભા પછી, તેઓ તેલંગાણાના કરીમનગરમાં બીજી જાહેર સભાને સંબોધશે જે બપોરે 2:45 વાગ્યે નિર્ધારિત છે. આજે સાંજે 5 વાગ્યે વડાપ્રધાન મોદી હૈદરાબાદમાં રોડ શો યોજીને દિવસના કાર્યક્રમનું સમાપન કરશે.

તેલંગાણામાં 30 નવેમ્બરે મતદાન થશે

રવિવારે પીએમ મોદીએ તેલંગાણાના નિર્મલ જિલ્લામાં એક ચૂંટણી રેલીમાં ભાગ લીધો હતો. ત્યાં લોકોને સંબોધિત કરતી વખતે તેમણે રાજ્યની સત્તાધારી પાર્ટી પર આકરા પ્રહારો કર્યા હતા. તેમણે તેલંગાણાના સીએમ કે ચંદ્રશેખર રાવને ગરીબોના દુશ્મન પણ કહ્યા.

3જી તેલંગાણા વિધાનસભા માટે 30 નવેમ્બર, 2023ના રોજ એક જ તબક્કામાં મતદાન થશે અને મત ગણતરી 3 ડિસેમ્બર, 2023ના રોજ થશે. તેલંગાણા વિધાનસભા ચૂંટણીમાં મુખ્યમંત્રી કે. ચંદ્રશેખર રાવની ભારત રાષ્ટ્ર સમિતિ, કોંગ્રેસ અને ભાજપ વચ્ચે ત્રિકોણીય મુકાબલો છે.

આ પણ વાંચો - China Pneumonia: ચીનમાં વધતા ન્યુમોનિયા વચ્ચે ભારત સજ્જ, કેન્દ્રએ રાજ્યોને તાત્કાલિક તૈયારીઓની સમીક્ષા કરવા આપી સૂચના