PM Modi on Tariff: ટેરિફના દબાણ વચ્ચે PM મોદીનો સંદેશ, 'સ્વદેશી અપનાવો, દેશના હિતો સર્વોપરી'

PM Modi on Tariff: વડાપ્રધાન નરેન્દ્ર મોદીએ સોમવારે અમદાવાદમાં એક સભાને સંબોધતા સ્પષ્ટ જણાવ્યું કે ભારત દેશના હિતોને સર્વોપરી રાખીને કોઈપણ આંતરરાષ્ટ્રીય દબાણનો સામનો કરવા તૈયાર છે. અમેરિકાએ ભારતથી આયાત થતી વસ્તુઓ પર 27 ઓગસ્ટથી 50% ટેરિફ લાગુ કરવાની જાહેરાત કરી છે, તેના બે દિવસ પહેલા મોદીએ આ નિવેદન આપ્યું. તેમણે ખેડૂતો, પશુપાલકો અને લઘુ ઉદ્યોગોના હિતોનું રક્ષણ કરવાની પ્રતિબદ્ધતા વ્યક્ત કરી.

સ્વદેશીનો મંત્ર, ગાંધીજીનો ઉલ્લેખ

મોદીએ વૈશ્વિક આર્થિક રાજનીતિમાં દરેક દેશના સ્વાર્થની ભૂમિકા પર પ્રકાશ પાડ્યો. તેમણે મહાત્મા ગાંધીના સ્વદેશી આંદોલનનો ઉલ્લેખ કરીને જણાવ્યું કે ભારતે ‘મેડ ઇન ઇન્ડિયા’ ઉત્પાદનોને પ્રોત્સાહન આપવું જોઈએ. “આજના વૈશ્વિક માહોલમાં દબાણ આવશે, પરંતુ અમે ખેડૂતો અને નાના ઉદ્યોગોના હિતો સાથે કોઈ સમજૂતી નહીં કરીએ,” એમ તેમણે અમદાવાદના નિકોલ વિસ્તારમાં જણાવ્યું.

વેપારીઓને અપીલ: ‘સ્વદેશી’ બોર્ડ લગાવો

Hours before Trump’s additional 25% tariffs hit India, PM Narendra Modi’s message to the US: No matter the pressure, India won’t bend - it will find its own way despite being a victim of unfair pressure. Hitting back at the ‘economic selfishness’ shaping global trade, the PM… pic.twitter.com/fMERNMcn91

— Siddharth Zarabi (@szarabi) August 26, 2025

ગરીબી નાબૂદી અને સુરક્ષિત અમદાવાદ

મોદીએ જણાવ્યું કે છેલ્લા 11 વર્ષમાં ભાજપ સરકારે 25 કરોડથી વધુ લોકોને ગરીબીમાંથી બહાર કાઢ્યા છે. તેમણે અમદાવાદને દેશના સૌથી સુરક્ષિત શહેરોમાંનું એક ગણાવ્યું, જ્યાં પહેલાં દંગા અને કર્ફ્યૂની સ્થિતિ હતી. તેમણે ‘ઓપરેશન સિંદૂર’નો ઉલ્લેખ કરીને આતંકવાદ સામે દેશની દૃઢ નીતિની વાત કરી.

કોંગ્રેસ પર આકરા પ્રહાર

મોદીએ કોંગ્રેસ પર આક્ષેપ કર્યો કે તેમના 60-65 વર્ષના શાસન દરમિયાન દેશને આયાત પર નિર્ભર બનાવ્યો અને ‘આયાત ઘોટાળા’ કર્યા. તેમણે ગાંધીજીના સ્વદેશી અને સ્વચ્છતાના સિદ્ધાંતોને નકારવાનો આરોપ પણ લગાવ્યો. “જે લોકો ગાંધીજીનું નામ લે છે, તેઓએ તેમની આત્માને કચડી નાખી,” એમ તેમણે કહ્યું.

સાબરમતી આશ્રમ અને તહેવારોની તૈયારી

વડાપ્રધાને સાબરમતી આશ્રમના પુનર્વિકાસનો ઉલ્લેખ કર્યો અને જણાવ્યું કે કોંગ્રેસ સરકારે તેનો વિરોધ કર્યો હતો. આગામી તહેવારોને ધ્યાનમાં રાખીને તેમણે વેપારીઓને ‘મેડ ઇન ઇન્ડિયા’ ઉત્પાદનોને પ્રાધાન્ય આપવા જણાવ્યું, જેથી સ્થાનિક અર્થતંત્રને બળ મળે.

આ પણ વાંચો- ગુજરાતમાં મેઘમહેર યથાવત્: 152 તાલુકામાં વરસાદ, વિજયનગરમાં સૌથી વધુ 3.98 ઈંચ