Rahul Gandhi: ‘લોકસભા ચૂંટણી બાદ રાહુલ ગાંધીની થશે ધરપકડ', હિમંતા બિસ્વા સરમાએ કર્યો દાવો

Rahul Gandhi: આસામના મુખ્યમંત્રી હિમંતા બિસ્વા સરમાએ દાવો કર્યો હતો કે કોંગ્રેસ નેતા રાહુલ ગાંધીની લોકસભા ચૂંટણી પછી ધરપકડ કરવામાં આવશે. રાજ્યમાં હિંસા ભડકાવવા બદલ રાહુલ વિરુદ્ધ FIR નોંધવામાં આવી છે.

વાસ્તવમાં આસામ પોલીસે મંગળવારે કોંગ્રેસની ‘ભારત જોડો ન્યાય યાત્રા' દરમિયાન હિંસા ભડકાવવાના આરોપમાં રાહુલ ગાંધી, કેસી વેણુગોપાલ, કન્હૈયા કુમાર અને પાર્ટીના અન્ય ઘણા નેતાઓ વિરુદ્ધ સુઓ મોટુ એફઆઈઆર નોંધી હતી.

આસામના પોલીસ મહાનિર્દેશક જી.પી. સિંહે જણાવ્યું હતું કે અધિક પોલીસ મહાનિર્દેશક (સીઆઈડી) દ્વારા રચાયેલ એસઆઈટી દ્વારા સંપૂર્ણ તપાસ માટે આ કેસ આસામ સીઆઈડીને ટ્રાન્સફર કરવામાં આવ્યો છે. અગાઉ, મુખ્યમંત્રીએ રાજ્યના પોલીસ મહાનિર્દેશકને બેરિકેડ તોડવા માટે ભીડને ઉશ્કેરવા બદલ રાહુલ ગાંધી સામે કેસ નોંધવાનો નિર્દેશ આપ્યો હતો.

શું હતો મામલો?

રાહુલની યાત્રાને શહેરમાં પ્રવેશવા દેવામાં આવ્યો ન હતો. આ માટે માર્ગ પર બેરિકેડીંગ કરવામાં આવ્યું હતું. જ્યારે કોંગ્રેસના સમર્થકોએ બેરિકેડ હટાવ્યા ત્યારે તેમની પોલીસ સાથે ઘર્ષણ થયું હતું. આ દરમિયાન પ્રદેશ કોંગ્રેસ સમિતિના પ્રમુખ ભૂપેન બોરા અને રાજ્ય વિધાનસભામાં વિરોધ પક્ષના નેતા દેવબ્રત સૈકિયા ઘાયલ થયા હતા.

આ પણ વાંચો - Lok Sabha 2024: ‘સપને નહીં હકીકત બુનતે હૈ, તભી તો સબ મોદી તો ચુનતે હૈ’... લોકસભા ચૂંટણી માટે ભાજપે લોન્ચ કર્યું કેમ્પેઇન