Google Maps: ગૂગલ ભારતમાં લાવ્યું અદ્ભુત ફીચર, ટ્રાવેલિંગ સમયે પેટ્રોલ પણ બચશે

Google Maps: ગૂગલ મેપ્સ એક નેવિગેશન એપ છે, જેનો ઉપયોગ ભારત સહિત વિશ્વભરના લોકો કરે છે. ગૂગલ મેપ્સે ભારતીયો માટે એક નવું ફીચર રજૂ કર્યું છે, જે ફ્યુલની બચતમાં મદદ કરશે. આ ફીચરનું નામ પણ ફ્યુઅલ સેવિંગ છે.

હવે આ ફ્યુઅલ સેવિંગ ફીચર ભારતમાં પણ આવી ગયું છે. અગાઉ તે માત્ર અમેરિકા, કેનેડા અને યુરોપિયન દેશો માટે જ ઉપલબ્ધ હતું. આ ફીચરની મદદથી યુઝર્સ જોઈ શકશે કે કેટલા ટકા ફ્યુલની બચત થશે.

આ ફિચરને અનેબલ કર્યા પછી, Google Maps યુઝર્સના રૂટ, ટ્રાફિક, રસ્તાની સ્થિતિ અને કિલોમીટરની ગણતરી કરશે. આ પછી એપ એક રૂટ બતાવશે જેમાં સૌથી વધુ ફ્યુલ બચત થશે. ગૂગલ મેપ્સમાં વધારાના રૂટ પણ સૂચવવામાં આવશે.

ગૂગલ મેપ્સ પર આ ફ્યુલ સેવિંગ ઓપ્શન કેવી રીતે ઓન કરશો?

ગૂગલ મેપ્સ પર ફ્યુઅલ સેવિંગ ઓપ્શન ઓન કરવું ખૂબ જ સરળ છે. ચાલો તમને તેની પ્રક્રિયા જણાવીએ. આ માટે ફોનમાં ગૂગલ મેપ્સ ઓપન કરો. આ પછી પ્રોફાઇલ પિક્ચર આઇકોન પર ક્લિક કરો. આ પછી સેટિંગ્સમાં જાઓ. ત્યાં નેવિગેશન પર ક્લિક કરો.

આ પછી રૂટ ઓપ્શન પર નીચે સ્ક્રોલ કરો. Prefer fuel-Efficient Routes ઓન કરો. જો કે આ ફીચર ઘણા ફોનમાં પહેલાથી જ ઓન છે. વધુ સારા નોટિફિકેશન માટે, ગૂગલ મેપ્સમાં એન્જિન અને ફ્યુલ વિશેની માહિતી ભરો.

ફોન પર તમને કેટલા ટકા ફ્યુલની બચત થશે તે જણાવશે

આ પછી, જ્યારે પણ યુઝર્સ નેવિગેશન માટે એપનો ઉપયોગ કરશે, ત્યારે એપમાં સૌથી ટૂંકો ફ્યુઅલ સેવિંગ રૂટ દેખાશે. જ્યારે અમે આ ફીચરનો ઉપયોગ કર્યો ત્યારે અમને ત્રણ રૂટનું સૂચન મળ્યું અને ફ્યુઅલ સેવિંગ રૂટમાં કહેવામાં આવ્યું કે 5 ટકા ફ્યુલની બચત થશે. જોકે તેમાં CNG ફ્યુઅલનો ઓપ્શન દેખાતો નથી.

આ પણ વાંચો - ADB Rise India GDP Forecast : હવે અહીંથી ભારત માટે આવ્યા ગુડ ન્યૂઝ, આ એજન્સીએ પણ અર્થવ્યવસ્થાની ગતિ પર વ્યક્ત કર્યો વિશ્વાસ