મખાના 'સુપરફૂડ'ની ચમક: રાષ્ટ્રીય મખાના બોર્ડથી બિહારના ખેડૂતોને શું ફાયદો?

National Makhana Board: કેન્દ્ર સરકારે રાષ્ટ્રીય મખાના બોર્ડની સ્થાપનાનો નિર્ણય લઈને મખાના ઉદ્યોગને નવી દિશા આપવાનું પગલું ભર્યું છે. આ નિર્ણયથી ખાસ કરીને બિહારના મિથિલા વિસ્તારના ખેડૂતોને ફાયદો થશે, જ્યાં ભારતના 80%થી વધુ મખાનાનું ઉત્પાદન થાય છે. મખાના, જેને 'સુપરફૂડ' તરીકે ઓળખવામાં આવે છે, તેના ઉત્પાદન, પ્રોસેસિંગ અને માર્કેટિંગને વ્યવસ્થિત કરીને આ બોર્ડ ખેડૂતોની આવક વધારવા અને રોજગારની તકો ઊભી કરવા માટે કામ કરશે.

ખેડૂતો માટે શું ફાયદા?

રાષ્ટ્રીય મખાના બોર્ડ ખેડૂતોને તેમની ફસલનો યોગ્ય ભાવ મળે તે સુનિશ્ચિત કરશે. અત્યાર સુધી વચોટીયાઓના કારણે ખેડૂતોને નુકસાન થતું હતું, પરંતુ હવે બોર્ડની મદદથી તેમને ન્યાયી ભાવ મળશે. આ ઉપરાંત, ખેડૂતોને આધુનિક ખેતીની તાલીમ, બિયારણ, ખાતર અને આધુનિક સાધનો માટે સબસિડી અને લોનની સુવિધા મળશે. મખાનાની ખેતી ઓછા પાણીમાં થઈ શકે છે અને તેની સાથે માછલી પાલન પણ થઈ શકે છે, જે ખેડૂતો માટે વધારાની આવકનો સ્ત્રોત બનશે.

ઉત્પાદન અને ગુણવત્તામાં સુધારો

નિર્યાત અને બજારને ઉડાન

'મિથિલા મખાના'ને પહેલેથી જ જીઆઈ ટેગ મળેલું છે, જે તેની ખાસ ઓળખ દર્શાવે છે. બોર્ડ આ બ્રાન્ડનું રાષ્ટ્રીય અને આંતરરાષ્ટ્રીય સ્તરે માર્કેટિંગ કરશે. અમેરિકા, યુએઈ, બ્રિટન, કેનેડા, ઓસ્ટ્રેલિયા જેવા દેશોમાં મખાનાની માંગ વધશે. બોર્ડ નવા બજારો શોધીને નિર્યાતને વેગ આપશે, જેથી મખાના 'સુપરફૂડ' તરીકે વૈશ્વિક બજારમાં ચમકે.

રોજગારની નવી તકો

મખાનામાંથી બનતા રોસ્ટેડ મખાના, મખાના ખીર કે મખાના લોટ જેવા ઉત્પાદનોને પ્રોત્સાહન મળશે. આનાથી ગામડાઓમાં પ્રોસેસિંગ યુનિટ્સ સ્થપાશે, જે યુવાનો અને મહિલાઓ માટે રોજગારની તકો ઊભી કરશે. બોર્ડ ઉદ્યોગસાહસિકતાને પ્રોત્સાહન આપીને મખાના ઉદ્યોગને નવી ઊંચાઈએ લઈ જશે.

આ પણ વાંચો-India-EU Trade deal: ટેક્સટાઈલ, લેધર અને વાઈન પર ટેરિફ ઘટાડવાની માંગ