success story: નાનપણનું સપનું કર્યું સાકાર, પાયલોટ બની આ દીકરીએ ભરી ઊંચી ઉડાન

success story: દીકરી સાપનો ભારો નહીં પણ દીકરી તો તુલસીનો ક્યારો હોય છે. આ વાતને સાર્થક કરી દેખાડી છે, રાજકોટના શેઠ પરિવારે. આ પરિવારની દીકરીનું સપનું હતું પાયલોટ બનીને ઉંચી ઉડાન ભરવાનું. આજે આ દીકરીએ પોતાનું સપનું સાકાર કરીને તેમના પિતાનું અને સાથો સાથ રાજકોટનું ગૌરવ વધાર્યું છે. 27 વર્ષની હિલોની કેતનભાઈ શેઠ જયારે સૌથી પહેલી વખત પ્લેનમાં બેઠી હતી ત્યારે તે માત્ર અઢી વર્ષની હતી. હિલોની નાની હતી ત્યારે પણ તે રમકડામાં પ્લેનની જ ખરીદી કરતી હતી અને તેની સાથે રમતી હતી.

હિલોનીએ નાનપણથી પાયલોટ બનવાનું નક્કી કરી લીધું હતું

હિલોનીના અભ્યાસની વાત કરવામાં આવે તો હિલોનીએ 12 સાયન્સ કર્યા પછી તે આર્કિટેકનો અભ્યાસ કરવા માટે લંડન ગઈ હતી. જ્યાં તેને આર્કિટેકનો અભ્યાસ પૂરો કરીને ઈન્ડિયા પરત આવી હતી. અહીંયા તેને વર્ષ 2021માં પાયલટ માટેની તાલીમ મહેસાણા બ્લુ એવિએશન પ્રાઇવેટ લિમિટેડમાં શરૂ હતી, જ્યાં તેને સિંગલ એન્જિન માટેની તાલીમ લીધી હતી. ત્યારબાદ તેને મલ્ટિ એન્જિન માટેની તાલીમ લીધી હતી. આમ હિલોનીએ કુલ 200 કલાક પૂર્ણ કરીને પાયલોટ બનવાનું લાયસન્સ પ્રાપ્ત કર્યું છે.

રાજકોટમાં પહેલી વખત વિમાન લેન્ડ કરીને પોતાના 200 કલાક પૂર્ણ કર્યા હતા

સૌથી મોટી વાત એ છે ,કે આ દીકરીએ તેના જન્મભૂમિ રાજકોટમાં પહેલી વખત વિમાન લેન્ડ કરીને પોતાના 200 કલાક પૂર્ણ કર્યા હતા. હવે હિલોની આગામી 3 ડિસેમ્બરે દુબઈ જશે, જ્યાં તેઓ એરબસની તાલીમ લેશે. ત્યારે દીકરીનું પાયલોટ બનવાનું આ સપનું સાકાર થતા પરિવારમાં અત્યારે ખુશીનો માહોલ જોવા મળી રહ્યો છે.

હિલોનીએ કહ્યું કે, મારા માતા-પિતાના સપોર્ટના કારણે જ આજે હું અહીંયા સુધી પહોંચી છું. સૌથી પહેલી વખત ઉડાન મેં મહેસાણાથી ભરી હતી. જેમાં તે મહેસાણાથી અમરેલી અને ત્યારબાદ અમરેલીથી રાજકોટ લેન્ડિંગ કર્યું હતું. હિલોની આગળ જઇને દેશની સેવા કરવા માંગે છે,. જેથી આગળ જતા તેને તક મળશે તો તે સૌથી પહેલા દેશની સેવા કરવાનું પસંદ કરશે.

આ પણ વાંચો - Health Tips: શિયાળામાં ગરમ ​​પાણીથી નહીં પણ ઠંડા પાણીમાં ન્હાવાના છે અનેક લાભ, જાણો શું છે તે